اماني الياسمين الجزء الاول ج٣

( الفصل الثالث والعشرون ) عندما علمت زينب ان الطفلين جنــ,,ـــــسهم بنات صرخت بغضب وهى تقول : ايه ،بناااات الطبيبه: ايوه زينب: الاتنيين بنات ،اتأكدى يا دكتوره اكيد واحد فيهم واد وهنا قال حمزه: فى ايه يا امى ،بتقولك الاتنيين بنات ماخلاص زينب بصدمه: بنات ياخبتى ياخبتى ،بعد ده كله يطلعوا الاتنين بنات حمزه بحزم: ماخلاص يا أمى زينب: بلا أمى بلا زفت بئه قالت زينب ذلك وخرجت صافقه الباب خلفها ، التفتت حمزه الى الطبيبه وقال بقلة حيله : أمى ومن ثم التفت الى رنا التى كانت تبكى وقال: بتعيطى ليه رنا: عشان انت زعلان عشان هما بنات حمزه : ومين قالك كده ،دى نعمه الناس بتتمنى ضفرها ،وبعدين كل الى من عند ربنا خير ،ربنا بس يبارك لنا فيهم الطبيبه مبتسمه: يارب ، أتفضلى يا مدام رنا نشوف تحاليلك حمزه: طب رتبى هدومك وانا مع الدكتوره ترك حمزه رنا فى عهدة الممرضه لانه أستشعر ان الطبيبه تريد أخباره بشئ وكان محقاً ،جلس حمزه امامها فقالت با رتباك : استاذ حمزه ، نفسية المريض من أول خطوات العلاج السليم تنهد حمزه وفهم ان الطبيبه تقصد والدته وكلامها فقال: ماتقلقيش يا دكتوره ، انا هعرف أوقف أمى ولو حسيت للحظه انها هتضايقها هبعدها عنها نهائى لغاية لما رنا تولد الطبيبه : كويس ،نيجى للمهم بئه ... طبعاً احنا ابتدينا العد التنازلى من انهارده ولغاية الولاده احنا هنكون تحت الاستعداد ان ممكن الولاده تحصل انهارده حمزه: ايه يعنى ممكن تولد قبل ميعادها الدكتوره: احتمال وارد حمزه: يعنى ايه ؟! الطبيبه: بصى يا استاذ حمزه حالة مدام رنا زى ماقلت لحضرتك قبل كده نسبة ان الحمل ما يكملش كبيره وحيث اننا عدينا الشهور الاولى يبقى ممكن من الشهر الجاى تنتظر ان الولاده تحصل وده هيخلينا نكون مجهزين شوية حاجات كده حمزه : حضرتك كده قلقتينى الطبيبه: انا مش بقول لحضرتك عشان تقلق انا بقول لحضرتك عشان تكون مستعد وماتتفاجئش حمزه: ممكن افهم المطلوب منى الطبيبه : مطلوب ان يكون حضرتك متواجد معاك حد فصيلة دمه زى فصيلة دم مدام رنا حمزه بوجوم : انا مختلف عنها الطبيبه: مقصدش حضرتك ،أقصد حد تانى اخوها اختها ،والدها والدتها ابن عم ابن خال مش مهم مين المهم يكون جاهز وقريب حمزه: يعنى انا عايز اعرف ... ليه الطبيبه: لان احتمال وانا بقول احتمال ان مدام رنا تحتاج نقل دم بعد الولاده حمزه: وده معناه ان حياتها ف خطر الطبيبه: بص يا أستاذ حمزه مدام رنا ممكن تولد وفى ميعادها ومن غير ماتحتاج لنقل دم وممكن كمان تولد طبيعى ،بس انا دايماً بحب ابقى عمله حسابى على اى حاجه عشان ماتفاجئش وبحب كمان احط الأب ف الصوره ... انا وحضرتك هنكون مسئولين عن مدام رنا وروح طفلين معاها ،فاهمنى أومأحمزه وقال: فاهم يا دكتوره فاهم الطبيبه : اتمنى انى مكنش قلقتك واتمنى كمان انك ماتبلغش مدام رنا بالى قلت عشان ماتقلقش حمزه: مفهوم ....................... خرج حمزه ورنا من غرفة الكشف فوجده والدة حمزه تنتظرهم فى الأستراحه وعلى وجهها علامات الغضب ، أعطاها حمزه نظره تحذيريه وأمسك بيد رنا وقال: ياله يا أمى زينب: ياله يا خويه خرج حمزه مع والدته وذهبوا الى السياره ، مدت رنا يديها لمقبــ,,ـــــض الباب الأمامى للسياره لتجلس كما أصرت عليها حماتها فى رحلة الذهاب للطبيبه حتى تستطيع ان تجلس بأريحيه ولكن يد زينب كان أسبق منها وقالت لها بتهكم: معلش بئه يا رنا انا هقعد أدام عشان القعده ورا مش مريحانى وانتى عارفه رجلى بتوجعنى رنا: اه ،طبعاً ياطنط ماشى جلست زينب فى الكرسى الأمامى وجلست رنا بالخلف فنظر حمزه الى رنا فى المرآه الأماميه وأرسل لها نظرة أعتذار فأستقبلتها بأبتسامه باهته وصلوا الى منزلهم وصعدوا الى شقتهم وكان حمزه ورنا متوجهين نحو غرفتهم عندما استوقفتهم زينب قائله : حمزه ،انا عايزاك وضع حمزه يده على كتفى رنا وقال بلهجه حانيه: روحى انتى يا رنا وانا جى وراكى أومأت رنا ودخلت الى غرفتها واغلقت الباب خلفها التفت حمزه الى والدته وقال : خير يا أمى زينب: هتعمل ايه ياحمزه حمزه: فى ايه يا امى زينب: فى المصيبه الى انتى فيها حمزه: مصيبه ،مصيبة ايه؟! زينب: بنتين يا حمزه ،بنتين حمزه: ايه يا امى ، ايه ياحاجه زينب يالى حجتى بيت ربنا مرتين ،حد يقول على عطية ربنا مصيبه .... ده رزق من عند ربنا زينب : بس بنتين يا حمزه حمزه: وايه يعنى يا امى ،هما البنات وحشه ،ادعيلى انت بس ان ربنا يجعلهم ذريه صالحه وبعدين لو ربنا رايد المره الجايه يجيى ولد لوت زينب شفتيها وقالت: المره الجايه ،هو بعد المرار الطافح الى ورتهولنا مراتك ده فيها مره تانيه حمزه: ليه بس بتقولى كده ،ان شاء الله ربنا هيرزقنا بعيل واتنين وتلاته ،انتى بس ادعيلى يا أمى زينب : ماشى يا خويه بس اعمل حسابك انا راجعه بيتى بكره حمزه: ايه ليه زينب: بيتى اولى بيه ولا فاكر انى هفضل اخدم مراتك طول عمرى ... لا ياخويه انا ست كبيره ومش حمل الكلام ده تيجى امها تخدمها حمزه: امها ،مانتى عارفه ياماما ان ابله ساميه مش هتيجى وبعدين الدكتوره محذرانى لسه انهارده ان الجاى اصعب ولازم ناخد بالنا والا هيحصل ولاده مبكره زينب: مليش فى ،انا تعبت ومش حمل اشيل حد انا ست كبيره وعايزه الى يخدمنى زفر حمزه وقال: ماشى يا امى الى يريحك ،عايز منى حاجه تانيه ولا ادخل زينب: لأ ادخل ياخويه ادخل ،خليك جمبها دخل حمزه فوجد رنا قد نامت فتنهد بأرتياح ان على الاقل سيتم تأجيل المواجهه أستيقظ حمزه صباحاً بمفرده فمنذ حمل رنا وهى لا تستيقظ معه وارتدى ملابسه بهدوء حتى لا يوقظها وأصطحب والدته معه ليوصلها الى منزلها وذهب الى عمله ..................... مر شهران آخرين على حمل رنا واصبحت بالشهر السابع واصبح التعب مضاعف فبالاضافه الى ازدياد حجم بطنها ،تورمت قدميها واصبحت دائماً تصيبها نوبات الدوار وخلال هذه المده حجزت مرتين فى المستشفى لتغذية جسدها عن طريق المحاليل والدة حمزه زارتهم مرتين ولكن فى زيارتها كانت تتفنن فى مضايقة رنا وتسميعها أسوء الكلمات عن البنات وحمل البنات وف النهايه طلب حمزه من والدته الا تزورهم مره أخرى ،فبرغم ان رنا لم تشتكى منها ولم تخبر حمزه بما تقوله لها والدته ولكن نظره واحده الى وجهها ويعلم ان والدته كانت هنا اليوم وبحسبه بسيطه يعرف انها سمعتها ما لايسر ........................................ أستيقظ حمزه صباحاً وعندما فتح دولابه لم يجد اى غيار نضيف وأكتملت عندما لايجد قميصاً نضيفاً فأتجه الى رنا النائمه وأوقظها قائلاً : رنا.... رنا ، اصحى يا رنا رنا وهى مغمضه عينيها: فى ايه ياحمزه بتصحينى ليه حمزه بغضب: قومى بس فوقيلى ثوانى فتحت رنا عيونها ببطء وقامت من نومها لتجلس على الفراش ومازالت رجليها ممدين : صباح الخير حمزه: صباح ايه وزفت ايه ، فين قمصانى رنا: معندك ف الدولاب ياحمزه حمزه: ياصلاة النبى ،الختم ف الدرج ... وبغضب : الدولاب فاضى مفيش ولا قميص نضيف رنا: طب ماقلتليش من بدرى ليه ياحمزه قبل ما يخلصوا ويتوسخوا كلهم حمزه: والله... هو المفروض اقول لحضرتك عشان تتكرمى وتغسليهم ولا انتى المفروض تعرفى لوحدك رنا : طب اعمل انا ايه دلوقت صاح حمزه: انا الى اعمل ايه ،اروح الشغل بأيه رنا ببرود لم تقصده: مش لازم تلبس كلاسيك البس اى حاجه كاجوال حمزه مابين أسنانه: عارفه ان مكنتيش حامل ،انا كان هيبقى ليه تصرف تانى رنا بخوف : كنت هتعمل ايه حمزه : نامى يا رنا ،نامى عشان لو عرفتى مش هتنامى رنا بصوت منخفض : طب انا آسفه ما تزعلش ، انا عارفه انى مقصره ف حقك بس غصباً عنى مبقتش قادره اتحرك ولا بقدر اقوم من مكانى جزع حمزه عندما أستشعر حزن رنا فقال لها : خلاص ياستى هبقى اوديهم اللاندرى رفعت رنا رأسها وقالت : يعنى زعلان مد حمزه يده وربت على شعرها ثم قبلها على جبينها فقال : لا ياحبيبى مش زعلان انا عارف انك تعبانه وغصباً عنك بس اعملى حسابك ان لما يجوا ولاد الكلب دول وتقومى بالسلامه هطلع كل الغلب الى شفته ده على عينك وعينهم مش كفايه حرمنى من ( أهمد ياحمزه ) فقالت رنا بخجل وبصوت يكاد لا يكون مسموع : انت الى مانع نفسك فضحك حمزه بشده وجلس جمبها وأحتضنها من كتفيها وقال : معلش ، انا أستحمل بس ما أستحملش انى ممكن أذيكى أبداً رفعت رنا نظراتها لحمزه وسألته : صحيح انت خايف عليه يا حمزه رغم ان ... وسكتت حمزه: رغم ايه رنا: رغم انهم بنات حمزه بأبتسامه : ايه يا رنا ، ليه بتقولى كده هو انا ولا انتى لينا دخل فى انهم ولد او بنت دى حاجة بتاعت ربنا وهما ف الآخر رزق ربنا بعتهم لنا نشكره ونحمد فضله ولا نتبتر رنا: بس مامتك حمزه : ملكيش دعوه بمامتى يا رنا ، هى ست كبيره وعندها أفكار غريبه بس انا متأكد انها لما تشوف البنات هتحبهم اوى وخصوصاً لو طلعوا شبهك رنا: بس انا عايزاهم شبهك ياحمزه حمزه: شبهى انا ياشيخه حرام عليكى ،انا عايزهم يبقوا قمرات لمامتهم وانتى تقولى شبهك رنا : مانت قمر ياحمزه انتبهت رنا الى ماقالته فخجلت فقال حمزه ضاحكاً : انتى بتعاكسينى بئه ، طب خلى بالك عشان انا متجوز وبحب مراتى اوى رنا : وهى كمان بتحبك اوى نظر لها حمزه قليلاً ثم تنحنح قائلاً: كده شكلنا مش رايحين الشغل لا كجوال ولا كلاسيك رنا مبتسمه : لأ قوم ياله عشان متتأخرش حمزه مقبلاً رأسها: ماشى أرجعى نامى ياله ................................... وصل حمزه الى مقر شركته ودخل الى المرآب ليضع سيارته كعادته وبعدما أوقفها وترجل منها التفت ليجد أمامه أحلام مستنده على مقدمة سيارتها وقفت أحلام تنتظر حمزه مرتديه فستاناً أبيض وعليه ورود صفراء وحمراء وقصير يكاد يلامس ركبتيها بحملات عريضه من على الكتفين وضيق من الصدر الى خصرها الذى ينتهى بحزام أحمر ويتسع من بعدها الى الركبه وأرتدت حذاء أحمر وتركت شعرها الكنستنائى الجذاب منسدلاً على ظهرها ورفعت نظارتها لترفع خصلاتها من على وجهها وتظهر جمال عيونها التى حددتهم بالكحل ليظهر جمالهم شرد حمزه قليلاً فى جمالها وبعدها قال. :احلام ، ايه الى موقفك كده أحلام وهى تقترب منه بدلال وقالت : مستنياك حمزه: هنا احلام: اعملك ايه ، مهو انا كل لما احاول اقابلك الحيزبون الى مشغلها تقولى انك مشغول حمزه معقدا حواجبه: مين .... قصدك دنيا احلام: اه ، زفته ،بتقولى مش موجود رغم انى متأكده انك بتبقى جوا حمزه بسخريه: وده مايخليكيش تفهمى حاجه يا أحلام أقتربت أحلام منه أكثر حتى صارت على بعدأنش واحد. منه وقالت : يخلينى افهم ايه يا حمزه ؟! حمزه: انى مش عايزه أقابلك مثلاً احلام : تؤ ،انت خايف تقابلنى حمزه: حمزه الانصارى مابيخافش يا أحلام وانتى عارفه كده كويس أحلام: انت مش خايف منى انت خايف من مشاعرك ناحيتى حمزه: مشاعر ،مشاعر ايه دى الى بتقولى عنها انت ليه مش قادره تفهمى انى الى بينى وبينك انتهى ،وانتهى من زمان من ساعة لما سبتينى ورجعتى لعمار أحلام: انت الى ضــ,,ـــــربتنى وطردتنى من بيتك حمزه: امال كنت عايزه ايه منى ،لما تجيلى بيتى وانتى عارف ان محدش موجود عندى وعايزانى .... وسكت قليلاً وقال : انتى كنتى عايزانى ابقى حد تانى ،حد مش انا .. انا لو كنت طاوعتك يومها كنت هبقى واحد تانى كنت هبقى قرفان من نفسى اوى وقرفان منك انتى كمان ، وعشان رفضتك قررتى تنتقمى منى وتروحى ترجعى لعمار احلام : ليه مش عايز تفهم ، انا مارجعتلوش بمزاجى حمزه : اه ضــ,,ـــــربك على ايدك ولا ساقكى حاجه اصفره احلام : لأ هددنى ... هددنى بيك قالى انوا كان هيأذيك لو ما رجعتلوش أضطريت ارجعله عشان احميك نظر لها حمزه ثم سكت قليلاً وقال مصدوماً : ايه... يأذينى. .... وماجتيش قلت لى ليه احلام: معرفش ، انا خفت واتوترت واضطريت أبعد ..... خفت عليك يا حمزه انت ماتعرفش عمار زيى ولاتعرف ممكن يعمل ايه حمزه: لأ عارف ،بس الى أعرفه أكتر اعرف نفسى وأعرف ان مش عمار الى يهددنى ... روحى يا أحلام انتى اخترتى طريقك من زمان وان مش عارف ايه هى اللعبه الى انتى بتعلبيها عليه دلوقتى وضعت أحلام يديها على صدره وقالت : حمزه انا بحبك ... بحبك اوى وعمرى ماحبيت غيرك ولا راجل ملى عينى غيرك للحظه حمزه كان سيضعف امام نظرات عيونها المتوسله وقربها ورائحة عطرها الذى أسكره ولكن رنين هاتفه بالنغمه المخصصه لرنا جعله ينتفض بعيداً عنها ويرفع الهاتف وهو يقول بلهفه : رنا رنا ببكاء وبصوت متقطع : حمزه..... انا بنزف الحقنى يا حمزه حمزه : انا جايه حالاً قال ذلك ولف حول سيارته وجلس امام المقود وادار المحرك وانطلق امام نظرات احلام المذهوله زفرت أحلام بحنق وقالت بغيظ : ماشى ياحمزه ،مبقاش أحلام لو سبتك تروح منى ....... ( الفصل الرابع والعشرون ) أنطلق حمزه مسرعاً بأتجاه منزله وهو فى الطريق أمسك هاتفه. واتصل بالطبيبه وأخبرها ان تنتظرهم فى المشفى التابع لها وطلبت منه ان يأتى بها سريعاً وللأحتياط ان يكون معهم الشخص المتبرع بالدم أغلقه هاتفه ليهاتف طارق أخوه وهو يحمد الله انه بعدما عرف ان فصيلة دمه مطابقه لدم رنا ،طلب منه ان يكون قريب حتى ان أحتاجه تذكر عندما عاد من عند الطبيبه بعدما أخبرته بضرورة توافر شخص مستعد للتبرع بالدم أستعداداً لأى حدث ،تذكر انه هاتف رامى الذى أخبره انه غير مطابق وان المطابق لفصيلة رنا هو أخوها أدهم وهو مسافر لأحدى الدول العربيه وغير منتظر عودته لسنه قادمه كانت مكالمه بالصدفه بينه وبين أخيه طارق حكى له عن انه يبحث عن فصيلة دم رنا وعندما سئله عن نوع الفصيله فهتف قائلاً انها مطابقه لفصيلته ،والحق يقال بعد أسبوع من المكالمه كان قد انتقل الى أحدى أقسام شرطة القاهره فهو ظابط كفء ولا يتأخر له طلباً وخصوصاً ان كان هذا الطلب هو ماتمناه روؤسائه لانه كفاءه ومن رأيهم ان أمكانية مهدوره فى مكانه القديم أنتقل طارق لأحدى أقسام القاهره او بمعنى ادق فى القسم التابع للمنطقه التى يقبع بها منزل حمزه أخيها حتى يكون قريباً فى اى وقت ،فهو لم يفكر مرتين عندما أخبره أخيه بأحتمال حاجة رنا اليه وبأنانية عاشق دعى ان تحتاج ولو لقطرات من دمه ،فيكفيه ان تسرى هذه القطرات من دمه فى جسدها هاتف حمزه طارق عندما علق فى زحمة السير وبحسبه بسيطه وجد انه امامه اكثر من ساعه للوصول الى منزله حمزه: الو طارق طارق: حمزاوى ،ازيك حمزه: انا كويس ... طارق رنا تعبانه و.. قاطعه طارق بلهفه: مالها رنا ياحمزه حمزه: معرفش كلمتنى وقالت لى انها تعبانه ،عشان خاطرى يا طارق خد ماما وروحولها انتوا اقرب ليها طارق: ماما سافرت اسكندريه امبارح ،انا وصلتها بنفسى حمزه: ايه.. طب وبعدين الطريق واقف انت عارف ان ده وقت ذروه ومصر كلها ف الشارع يا طارق طارق بدون تفكيير : انا هروحلها حمزه: ايه... لأ طبعاً طارق: ليه ... بص ياحمزه انا اقرب يعنى هاخدها واوصلها للمستشفى بتاعت الدكتوره الى قلت لى عليها وانت تحصلنى على هناك وكده نبقى كسبنا وقت حمزه: مش عارف طارق: مفيش وقت ياحمزه ،مفتاحك الاحتياطى الى عند ماما بتحطه فين حمزه: المفتاح طارق: ايوه المفتاح ، افرض كانت تعبانه ومقدرتش تفتح حمزه : بص ياطارق ... طارق مقاطعاً:المفتاح يا حمزه سكت حمزه قليلاً ثم أخبره عن مكان المفتاح ، سحب طارق مفاتيح سيارته وذهب الى منزله وبحث عن المفتاح الاحتياطى ووجده وانطلق الى منزل حمزه ................... وصل طارق الى منزل حمزه ودق جرس الباب أولاً قبل ان يفتح بالمفتاح ، انتظر قليلاً وعندما لم يجد رد أضطر الى أستخدام المفتاح فتح طارق الباب بالمفتاح و دخل بهدوء وترك باب المنزل مفتوح وتحرك بهدوء وهو ينادى حمزه: رنا .... رنا ..... رنا لم يتلقى طارق اى رد ،لذلك تجرأ واقترب من غرفة النوم فسمع شهقاتها المكتومه ، فأقترب مندفعاً ولكنه توقف امام باب الغرفه وقال بصوت ملتاع : رنا ... رنا سكتت رنا عندما سمعت من يناديها فقالت بخوف : مين طارق : انا طارق يا رنا بكت رنا بأرتياح عندما علمت انه طارق وقالت: طارق ... طارق فين حمزه جزع طارق عندما سمع بكائها وقال: ماتقلقيش يا رنا جاى ف السكه بس الدنيا زحمه ووصانى اوصلك انا الى المستشفى رنا: بس ، بس انا مش قادره أقوم .... انا تعبانه اوى ياطارق وكأن كلمتها نــ,,ـــــاراً قد أحــ,,ـــــرقته فقال : رنا ، حطى حاجه على شعرك انا داخل نظرت رنا حولها فوجدت شالاً قريب منها فوضعته على شعرها بيد مرتعشه وقالت بصوت منخفض: تعالى ياطارق دخل طارق الى الغرفه ونظر لرنا التى كانت عيونها متورمه من كثرة البكاء ووجهها شاحب جداً فقال: رنا ،انتى كويسه هزت رنا رأسها نافيه وهى تشهق وتقول : انا عايزه حمزه ياطارق ... هاتلى حمزه تنهد طارق ثم قال: هنروح المستشفى وهو هيجيلنا هناك رنا: لأ مش هتحرك من هنا الا لما يجى حمزه طارق: بلاش عند يا رنا ،ممكن يحصل حاجه ليكى او للبيبى وضعت رنا يديها على بطنها وقالت شاهقه : لأ .... الا ولادى طارق: طب خلاص قومى معايه رنا ببكاء : انا مش قادره اقوم ، حاسه انى مش قادره اقف على رجلى لم يفكر طارق مرتين ووقف امام رنا وانحنى بجزعه قليلاً ووضع يديه احدهم تحت ركبتيها والأخرى تحت رأسها وحملها شهقت رنا وشعرت بالدوار فلا أرادياً وضعت يديها على عنق طارق لتوازن نفسها رنا بخجل: نزلنى ياطارق ،مش هينفع طارق وهو مبتسم وقلبه يرقص فرحاً بهذا القرب الذى كان يتمناه وشعر بانها رغم وزنها الا انه. شعر بأنه يحمل ريشه : هشششش ، انا عايزك تهدى خالص لغاية لما نوصل المستشفى استسلمت رنا غصباً عنها فقد تمكن منها التعب ولم تستطيع ان تجادله أكثر نزل طارق الى سيارته ووضع رنا برفق فى المقعد الخلفى ونظر الى وجهها وهى مغمضه عيونها من شدة الألم تنهد طارق وركب مكانه امام المقود وانطلق ، قليلاً ووجد هاتفه يرن فرفعه بهدوء حمزه: طارق ،انت فين طارق احنا ف العربيه طالعين على المستشفى حمزه : رنا معاك ... عامله ايه طارق وهو ينظر الى رنا فى المرآه /: كويسه حمزه: طب هات اكلمها أعطى طارق الهاتف لرنا وقال : حمزه عايزك أختطفت رنا الهاتف بلهف وقالت : حمزه حمزه: رنا ،حبيبتى انتى كويسه رنا ببكاء: لأ ياحمزه ،انا مش كويسه ... انا خايفه اوى ... خايفه على ولادى اوى ياحمزه حمزه : هششششش ، بس ممكن تهدى .... مش هيحصل حاجه وولادنا هيبقوا بخير وهيطلعوا قمرات زى مامتهم ضحكت رنا من بين دموعها وقالت : بس انا عايزاهم شبهك انت حمزه : بس هما هيكونوا شبهك وهسمى واحده منهم رنا وانتى اختارى التانيه رنا: رنا... هتسميها رنا حمزه: اه هسميها رنا والتانيه ها سميها رنا مبتسمه: هنا حمزه : يبقوا رنا وهنا أبتسمت رنا وقالت : انا بحبك اوى ياحمزه... ماتتتأخرش عليه حمزه: وانا بعشــ,,ـــــقك ياقلب حمزه ،هكون عندك علطول بس عايزك تبقى قويه عشان ولادنا رنا: حاضر أغلقت رنا الهاتف مع حمزه بعدما شعرت ان هذه المكالمه أنستها الآمها وأيضاً جعلته تشعر بالطمأنينه فى حين ان هذه المكالمه هدأت من روع رنا الا انها اشعلت نــ,,ـــــاراً فى قلب طارق كان طارق يراقب رنا ويستمع لها وهى تحدث أخيه وكيف تحولت نبراتها المتألمه لأخرى سعيده وكيف طــ,,ـــــعنته كلماتها عندما قالت ( انا بحبك يا حمزه ) كلماتها تخرج من القلب ،كلمات عاشقه حتى النخاع أنب طارق نفسه انه سمح لنفسه ان يتمتع باللحظات التى كانت فيها قريبه منه وهو يحملها فهى تركت نفسها بين يديها لانها تتعامل معه كأخيها اما هو فبكل خسه ونداله كان مستمتعاً بهذا القرب ،كيف يشعر بذلك وهى زوجة أخيه ،أخيه الذى ضحى بكل شئ ونسى نفسه وحياته ليحل محل ابيهم رغم صغر سنه ... اخيه الذى لم يتمتع بفترة شبابه ولا مراهقته من أجلهم تنهد مره أخرى وأستعاذ من الشيطان وهو يقرر بعزيمه انه سيبتعد مره أخرى فحمزه لا يستحق منه ان يطــ,,ـــــعنه من خلف ظهره ، نعم فحتى مشاعره السريه تعتبر خيانه وصل طارق الى المشفى وهذه المره لم يحمل رنا بل طلب سر,,ـــــير نقال وترك المهمه للمرضات لتنقلها الى داخل المشفى وأكتفى فقط ان يتابعهم دخلت رنا الى غرفة الكشف وقابلتها الطبيبه مبتسمه كعادتها وطمأنتها قائله : مالك خايفه كده ليه فهمست رنا : انا عايزه حمزه الطبيبه : طب سبينى هكشف عليكى عشان نطمن كشفت الطبيبه على رنا التى تفاجئت انها كانت تنزف بشده فقالت بهدوء : مدام رنا انتى لازم تتدخلى عمليات رنا : لأ ... لأ انا عايزه حمزه الطبيبه : مدام رنا افهمينى فى خطر على حياتك وحياة ولادك رنا: لأ ... مش هتنقل الا لما أشوف حمزه الطبيبه: يا مدام رنا انا.. وقاطعها صوت حمزه الذى دخل الى الغرفه مسرعاً : خلاص يا دكتوره انا جيت اقترب حمزه من رنا وامسك بيديها فهتفت رنا : حمزه حمزه: هششش ،انا اهو انا جيت ماتخافييش ضمها حمزه الى صدره وملس على شعرها برفق فقالت رنا : انا خايفه ياحمزه خايفه اوى حمزه : ماتخافييش ياحبيبتى انا معاكى ... مش هيحصلك حاجه هتخرجى من هنا وهيكون معانا ولادنا بس انتى اهدى. ... ها هدأت رنا قليلاً ورفعت رأسها وقالت لحمزه وهى تنظر الى عيونه : حمزه ، لو ماصحتش تانى خلى بالك من ولادى وعايزاك تسامحنى لو كنت زعلتك عشان انا دلوقتى بس عرفت انك كنت خايف عليه لما قلت لى ماتحمليش ... بس غصب عنى عشان بحبك اوى كان نفسى ف حته منك تكون جوايه حمزه : ماتقولش كده يا رنا ، انتى هتقومى بالسلامه وولادنا كمان ... هترجعيلى ياحبيبتى ... هترجعيلى عشان انتى عارفه مش هعرف اعيش من غيرك أومأت رنا وقالت : ادعيلى حمزه بأبتسامه حاول أ.ابها : حاضر دخلت الممرضه وطلبت من حمزه الخروج من الغرفه لتجهيز رنا للولاده خرج حمزه من الغرفه بعدها قليل خرجت رنا ممده على السر,,ـــــير المتنقل وعندما مرت امامه امسكت بيديه وقالت : لا اله الا الله حمزه وهو يحارب دموع لم يشعر بها من قبل فى عيونه : محمد رسول الله دخلت رنا الى غرفة العمليات ووقف حمزه وطارق امام الباب منتظرين .... بعدها بقليل صاح طارق : ولدت .. ولدت انا سامع صوت بيبى اصتنت حمزه الى الباب وقال: اه انا كمان سمعت ، طب هما ليه ماخرجوش انا عايز اطمن على رنا اهم حاجه ... وسكتت قليلاً وقال لطارق : تفتكر حصل حاجه لرنا طارق بحزم: فلا الله ولا فالك .. دلوقتى يطمنونا وماكان طارق ينتهى من جملته حتى خرجت الممرضه تجر عربه صغيره بها طفله صغيره تكاد تكون أقل من طول الذراع خرجت الممرضه مضطربه وهى تقول : مبروك ماجالك يا استاذ لم ينتبه حمزه الى الطفله ولكن قال: مراتى عامله ايه الممرضه: كويسه ان شاء الله ،بس انا هروح لان البنت لازم تتحط فى الحضانه وذهبت من امامهم مسرعه ولكن حمزه انتبه فى اللحظه الأخيره انها قالت طفله واحده وليس اثنان فصاح قائلاً وهو يلحقها : لو سمحت التفتت له الممرضه : نعم حمزه: هى فين البنت التانيه .... مراتى كانت حامل ف بنتين أطرقت الممرضه رأسها وقالت : البقاء لله يا أستاذ ،البنت التانيه نزلت وبعد دقيقه ماتت حمزه بصدمه : ايه شد طارق على كتف حمزه وقال: البقاء لله ياحمزه، انت راجل مؤمن حمزه: ونعم بالله ،بس رنا هتزعل اوى ولم يكمل حمزه جملته الا سمع باب غرفة العمليات يفتح وخرجت الطبيبه وعلى وجهها أمارات الحزن وقالت : أستاذ حمزه حمزه مسرعاً: رنا حصلها حاجه الطبيبه: ان شاء الله هتبقى كويسه ،بس حمزه: بس ايه يا دكتوره انا مش مستحمل الطبيبه/: انا آسفه يا استاذ حمزه بس النزيف عند مدام رنا مش بيقف واحنا مضطرين اننا نستأصل الرحم عشان نوقف النزيف ومحتاج موافقة حضرتك على الأستئصال وهنا ولأول مره سمح حمزه لدموعه ان تنهمر ........... #أنت دائى ودوائى ( الفصل الخامس والعشرون ) نظر طارق لحمزه مصعوقاً من كلمات الطبيبه ومن منظر حمزه الذى لأول مره يراه يبكى بشده حارب طارق دموعه وقال بصوت مهزوز : انا هتبرع لها بدمى ،خدوا الى انتوا عايزينه بس بلاش ال.. الطبيبه: للأسف مبقاش ينفع ،حضرتك هتتبرعلها بالدم بس أكيد بعد مانوقف النزيف الى مش راضى يقف والحل لازم استئصال الرحم والا هيكون فى خطر على حياتها مسح حمزه دموعه بعنــ,,ـــــف وقال بحزم : اعملى الى انتى شايفاه صح يا دكتوره، اى حاجه المهم هى تبقى بخير مش مهم اى حاجه بس هى تبقى كويسه الطبيبه: هو حل واحد بس يا أستاذ حمزه زى ماقلت لك هو أست... فقاطعها حمزه بعنــ,,ـــــف : أستئصليه ، اعملى اى حاجه بس هى تعيش تنهدت الطبيبه: حاضر ،ادعيلها قالت ذلك وذهبت الى غرفة العمليات أنهار حمزه على أقرب كرسى فهو كان يشعر ان قدميه ماعاده يحملاه ،جلس طارق بجانبه ووضع يديه على ركبة حمزه وقال : حمزه ،مش عارف اقولك ايه سكت حمزه قليلاً: هتقولى ايه يا طارق ، الحمد لله على كل حال المهم انها بس تقوم بالسلامه طارق : هتقوم بالسلامه ان شاء الله حمزه: يارب بعد قليل خرجت الطبيبه من الغرفه فأتجه اليها حمزه مسرعاً وقال بلهفه ،: طمنينا يا دكتوره الطبيبه: الحمد لله يا استاذ حمزه قدرنا نوقف النزيف بأعجوبه بس هى طبعاً فقدت دم كتير وهتحتاج نقل دم طارق : انا موجود يا دكتوره ،مستعد للكميه الى انتوا عايزينها الطبيبه : طب اتفضل معانا تدخل حمزه قائلاً قبل ان تنصرف الطبيبه : دكتوره،.... هو حضرتك يعنى شيلتلها .. الرحم زى ماقلتى الطبيبه بأسف : اه للأسف يا أستاذ حمزه ،انا آسفه جداً بس هو ده كان الحل الوحيد والا كانت هتبقى حياتها فى خطر تنهد حمزه بحزن: الحمد لله ،المهم هى تكون كويسه وبخير الطبيبه بأبتسامه مطمئنه : ان شاء الله هتكون بخير حمزه : ان شاء بس ليه رجاء يا دكتوره الطبيبه : اتفضل حمزه: ممكن رنا ماتعرفش بموضوع أستئصال الرحم ده ،على الاقل دلوقتى ،كفايه عليها ان بنت من البنات ماتت مش هتتتحمل الصدمتين الطبيبه : اه طبعاً مفهوم ،ماتقلقش خالص يا أستاذ حمزه حمزه: متشكر جداً ذهبت الطبيبه بعدما أمرت بدخول رنا التى كانت مغيبه عن الوعى الى غرفه بسر,,ـــــيرين حتى يتم عملية نقل الدم من طارق الى رنا نظر حمزه الى طارق الممد على السر,,ـــــير وتم توصيل أنبوب طويل لسحب منه الدم فقال : انا مش عارف اقولك ايه يا طارق ،تعبناك معانا طارق مستنكراً : ايه الكلام الى بتقوله ده ياحمزه رنا زى.... وسكت قليلاً وقال: رنا زى أختى يا حمزه وانت أخويه الى لو أطول اديله عمرى ماتأخرش عليه حمزه : تسلم يا طارق ،ده العشم برضو طارق : عشم ايه وبتاع ايه ياحمزه ،هو احنا بينا الكلام .. انزل ياعم روح اطمن على بنتك ف الحضانه ولا نسيتها حمزه: انت بتقول فيها ، والله نسيتها من كتر المصايب الى بتقع على دماغ الواحد طارق: لأ اجمد كده ياحمزه ،رنا هتبقى محتاجلك جداً لما تفوق لازم تكون قوى عشانها نظر حمزه بأتجاه رنا النائمه على السر,,ـــــير بوجه شاحب يضاهى وجه المــ,,ـــــوتى وقال : ربنا يستر لما تقوم وتعرف طارق : حمزه هو انت مش هتقول لماما حمزه: تفتكر هيفرق معاها اصلاً طارق : ليه بتقول كده ياحمزه ،انت أدره الناس بأمك ،ممكن تكون عصبيه وعندها أفكار رجعيه بس هى ف الآخر بتطلع تطلع وتنزل على مفيش حمزه: مش عارف خايف تقول كلمه تجرح رنا وهى مش هتبقى مستحمله وانا ساعتها مش هسكت طارق: ماتخافش احنا مش هنقولها على موضوع الرحم ده نهائى صاح حمزه محذراً : طارق ونظر لرنا المستلقيه وكأنها ميته بلا روح وقال: آسف ياحمزه ... خلاص الموضوع ده مش هيتفتح تانى حمزه بحزم: خالص ... مش هيتفتح خالص قال ذلك واتجه الى الطابق السفلى حيث غرف الرعايه بالاطفال وهناك وجد الطبيب الذى طمأنه على صغيرته وقال انها تحارب من اجل الحياه وهو يرى انها نجحت وتخطت مرحلة الخطر وقف حمزه خلف الزجاج الفاصل بين غرفة طفلته حيث تقبع الصغيره محاطه بالكثير من الأسلاك والخراطيم ، كانت صغيره للغايه لدرجة انه يشعر انه لو حملها سيكسرها أفاق من شروده على صوت ممرضه تقول : يا أستاذ التفت حمزه الى الممرضه التى كانت ترتدى الزى الوردى الخاص بالممرضات ونظره واحده كان قد قيمها بنظره ذكوريه ،فهى كانت صغيرة الحجم ومن الواضح انها صغيرة السن فى سن زوجته وملامحها ناعمه جميله فأبتسم لها بجانب فمه أبتسامه خاصه بحمزه الانصارى وهو يعلم تأثيرها على النساء وقال : أنا أرتبكت الممرضه عندما نظر لها حمزه ووجدته رجل شديد الوسامه وزاد ارتباكها عندما ضحك لها بأحدى زوايا فمه فأزدادت وسامته فقالت بارتباك : اه حضرتك ... مش حضرتك تبع المريضه فى غرفة (...) رفع حمزه حاجبه وقال : تعديل .... المريضه الى فى الاوضه دى هى الى تبعى مش انا الى تبعها ارتبكت الممرضه مره أخرى وقالت : آسفه ... انا كنت محتاجه من حضرتك شوية بيانات عن المريضه لانها دخلت على أوضه العمليات علطول من غيير ماحد ياخد بياناتها كمان احنا محتاجين نعرف اسم الطفله الى ف الحضانه واسم التانيه الى اتوفيت عشان نستخرج لها شهادة وفاه لانها مانزلتش ميته وكأنها طرقته على رأسه بمطرقه ليتذكر ماحدث فنظر مره اخرى خلف الحاجز الزجاجى وقال بخواء: هى نزلت عايشه تنحنحت الممرضه وقالت : الى مكتوب عندى انها نزلت وعيطت وحصل ده لمدة دقيقتين بس قبل ماتتوفى وده لمشاكل ف الجهاز التنفسى فهى كده من حقها أستخراج شهادة وفاه وهنطلع تصريح دفــ,,ـــــن وحضرتك هتستلمها تدفــ,,ـــــنها وضع حمزه يديه على الحاجز الزجاجى وقال : طب ممكن نأجل موضوع الأسامى ده لغاية لما والدتهم تفوق الممرضه: اه طبعاً ، بس أخد بيانات المدام التفت لها حمزه ونظر لها نظراته التى تتحول فيها عيونه من البنى الداكن الى الأسود الذى يدل على انها وصل لأقصى درجات الغضب : مش دلوقتى الممرضه: بس يافندم حمزه بحزم: قلت خلاص مش دلوقتى ،هبعتلك حد يديكى كل المعلومات الى انتى عايزاها الممرضه : طب يافندم ،انا هكون فى الدور الأرضى ابعتلى اى حد وانا هاخد منه البيانات والتفتت لتذهب ولكن صوته أوقفها قائلاً : أستنى التفتت الممرضه: نعم حمزه بأبتسامه ماكره : معرفتش اسمك عشان ابعتلك البيانات الممرضه وهى تنظر بأستغراب الى الرجل المتقلب فهو تاره يبتسم بعبث والأخرى يتحول لمارد شرير فقالت بصوت حاولت ان يكون هادئ : هاله ... حمزه وهو يوليها ظهره وينظر الى الحاجز الزجاجى مره أخرى : ماشى ياهاله ،روحى انتى نظرت له هاله ثم تمتمت بشئ لم يسمعه ولاحتى هى سمعته وانصرفت ....... بعد ساعات فتحت رنا عيونها ووجدت الرؤيه حولها مشوشه ففتحت عيونها واغلقتهم مره أخرى حتى أتضحت لها الرؤيه ، نظرت حولها فلم تجد احد حولها ونظرت الى السر,,ـــــير الأخرى فوجدت عليه أحد نائم فعلى الفور علمت انه حمزه فنادت بصوت متعب : حمزه.... حمزه أستيقظ طارق على صوت رنا فأنتفضت مسرعاً وهو لا يتذكر متى نام وأتجه الى رنا وقال بلهفه: رنا حمد لله على السلامه أبتاعت رنا ريقها بصعوبه : حمزه فين يا طارق سكت طارق قليلاً ليتذكر ان منذ قليل خرج حمزه ليشرب سيجاره وبعدها لم يشعر بنفسه الا وهو قد غفى على السر,,ـــــير من شدة التعب ، عبث طارق بشعره وقال : حمزه خرج من شويه راح يشرب سيجاره رنا : طب هو انا .... ولدت طارق : اه الحمد لله رنا: والبنات سكت طارق قليلاً وقال : بخير ... تلاقى حمزه تحت ف الحضانه وقبل ان تسأله سؤال آخر قال مسرعاً : هروح اناديه وخرج مسرعاً يبحث عن حمزه وهو يعلم ان القادم اصعب عندما التفتت هاله لتذهب تفاجئت بشاب يشبه لحد كبير الرجل التى كانت معه الان ... حمزه وقد انتبه لوجود طارق واحتمال سماعه حديثه مع هاله : طارق ،حصل ايه طارق وهو ينقل نظره بينه وبين هاله وقال: رنا فاقت وبتسأل عليك نظر له حمزه لثوانى وبعدها هرول مسرعاً بأتجاه المصعد نظر طارق الى حمزه الذى جرى مسرعاً ثم الى الممرضه الصغيره التى كانت واقفه فاغره فمها لأقصى درجه فى وضع يسمى وضع الأزبهلال طارق : أقفلى بؤك ليخش دبان فيه نظرت له هاله شزرا وقالت بدون تفكير كعادتها دائماً : الى يشوف الراجل وهو واقف بيبصبصلى مايشفوش وهو طالع يجرى على مراته ... ده من ثوانى بس وسكتت قليلاً ثم قالت: ولا بلاش رجاله مهبوشه ثم التفتت الى طارق وقالت: وانت مين انت كمان ؟! رفع طارق احدى حاجبيه وقال : انا أخو الى كان بيعكسك.... أخو المهبوش .............................. وصل حمزه الى غرفة رنا ودخل مسرعاً فوجدها مازالت مستلقيه كما هى فقال بلهفه : رنا فتحت رنا عيونها وقالت : حمزه .. انت جيت أقترب منها حمزه وقبلها على جبينها وقال : حمد لله على سلامتك ياحبيبتى رنا بوهن : فين البنات ياحمزه ارتبك حمزه قليلاً وقال : فى الحضانه ياحبيبتى ،المهم انتى دلوقتى بللت رنا شفتيها الجافتين وقالت : عايزه أشرب ميه رفعها حمزه قليلاً لتستند على صدره ورفع لها كوب الماء لتشرب ، شربت رنا قليلاً ثم بعد عنها حمزه الكوب وقال: كفايه كده أسند حمزه وساده خلف رأس رنا ورفعها قليلاً لتستند عليها وقال: أحسن أومأت رنا موافقه رنا: حمزه عايزه اشوف البنات حمزه : اه طبعاً ... شفتى طارق اتبرعلك بدم كتير لغاية لما وقع من طوله من كتر التعب نظرت له رنا نظره طويله وقالت : حمزه انت مخبى عليه ايه هرب حمزه من عيونها التى كانت تستجوبه وقال : مفيش ياحبيبتى ،مفيش رنا: حمزه ، بناتى ماتوا ... صح نظر لها حمزه قليلاً ولم يجد هناك داعى للكذب أكثر من ذلك وقال بصوت غير مسموع : بنت واحده بس رنا وكأنها لا تسمعه : بنت واحده ايه قال حمزه : بنت واحده ماتت سكتت رنا قليلاً ولم تصدر اى رد فعل ... شعر حمزه بالقلق عليها فقال : رنا ،حبيبتى ردى عليه ،ماتسكتيش كده ردى عليه ،اتكلمى عيطى اعملى اى حاجه بس ماتسكتيش كده نظرت له رنا وقالت بصوت ليس فيه حياه : رنا حمزه حمزه بعدم فهم: ايه بتقولى ايه رنا؛ رنا حمزه... البنت الى ماتت سميها رنا ، رنا حمزه حمزه: لأ يارنا رنا بحزم: عايز اشوف هنا حمزه: رنا ،ممكن قاطعته رنا بحزم : عايزه أشوف هنا ياحمزه ،ممكن تنهد حمزه وقال : حاضر يارنا ،هشوف الدكتوره تسمحلك بالحركه ولا لأ .................... بعد قليل أصطحب حمزه رنا الى الطابق السفلى وبعدما ارتدوا ملابس التعقيم الخاصه بدخول غرفة العمليات دخلوا معهم احد الممرضات التى دلتهم على مكان الصغيره نظرت رنا الى صغيرتها بداخل صندوق زجاجى وهناك خراطيم كثيره متصله بأنفها وفمها وصدرها الذى يعلو ويهبط هو الشئ الوحيد الذى يدل على ان الجسد الموجود فيه حياه نظرت لها رنا وهى تقول بصوت منخفض : هتعيش الممرضه مبتسمه : ماتخافيش حالتها كويسه ،ان شاء الله هتكون كويسه ... ثم أكملت مبتسمه : هتسموها ايه فنظرت لها رنا وقالت: هنا ،اسمها هنا حمزه الممرضه: عاشت الاسامى ربنا يخليهالكوا وتشوفها عروسه وتعيش كل ايامها فى هنا نظرت رنا الى طفلتها وقالت : يارب وضع حمزه بضع اوراق نقديه فى يد الممرضه التى خرجت وهو تدعو لهم ولطفلتهم وضع حمزه يده على ظهر رنا ليحثها على الخروج فخرجت رنا وصعدت معه الى غرفتها عندما ساعدها حمزه على الاستلقاء فقالت : ماعرفتش ممكن تخرج أمتى حمزه: الدكتور قال لسه شويه ، بس هو مطمنى رنا : ورنا سكت حمزه قليلاً ثم قال : هندفــ,,ـــــنها بكره رنا : ماشى ... أطفى النور عشان عايزه انام وهنا أمسكها حمزه من ذراعيها وغصباً عنه صاح بغضب : رنا... ممكن تعملى اى رد فعل ... لو كان فى مصلحتك انى أفكرك ان بنتك ماتت فانا بقولك بنتك ماتت يا رنا ... عايزك تزعقى تصرخى اى حاجه بس ماتسكتيش لان اكيد سكوتك ده هيضرك وان مش هسمح لحاجه تضرك حتى لو الحاجه دى نفسك نظرت له رنا وقالت: عايزنى اعمل ايه ياحمزه ... نفسى أعيط ومش قادره ... نفسى أصرخ وحاسه انى مش لاقيه صوتى ... حاسه ان جوايه حاجات كتيره مش قادره تطلع حمزه وهو يضمها الى صدره : خلاص ياحبيبتى ماتضغطيش على نفسك ،نامى دلوقتى رنا وهى تستكين الى صدره : خليك جمبى ياحمزه ،ماتسبنيش ملس حمزه على شعرها وقال : انا جمبك مش هسيبك ..................... فى الصباح توجه حمزه وطارق الى المدافن بعدما وصلت والدة حمزه وبعد تعليمات مشدده من حمزه وتحذيرات الا توجه اى كلمه تزعج رنا وأطمئن بعدما وعدته وخصوصاً عندما رأى فى عيونها نظرة رأفه بحال المسكــ,,ـــــينه التى فقدت طفلتها دفــ,,ـــــنت الصغيره فى مدفــ,,ـــــن خاص قد أشتراه حمزه من فتره وكتب عليه اسمه ليكون المدفــ,,ـــــن الخاص بأسرته ، ولكن لم يتوقع انه وهو يشتريها ان يكون اول أسم يكتب عليه ( رنا حمزه الانصارى ) وسأل نفسه هل لذلك مغزى خفى رجع حمزه مع طارق الى المشفى ومعهم رامى الذى ما ان علم حتى توجه اليهم ليكون معهم وبعدها ذهب معهم الى المشفى ليزور أخته دخل حمزه مع طارق ورامى الى المشفى ولكنه تفاجئ بصوت انثوى يناديه فالتفت ليجد احلام تنتظره فى أستقبال المشفى فقال بغضب : انتى ايه الى جايبك هنا، وعرفتى منين مكانى نظرت احلام الى رامى وطارق وكأنها تنبه الى وجودهم أستشعر طارق التوتر فى الأجواء فسحب رامى قائلاً : تعالى نطلع نشوف رنا التفت رامى من حمزه الى رنا ثم قال على مضض : ماشى ياله تحرك طارق ورامى الى المصعد ،فالتفت حمزه الى احلام وامسكها من ذراعيها بعيداً عن باب المشفى وقال: انتى اتجننتى ،ايه الى جابك هنا وعرفتى مكانى هنا ازاى أحلام: جيت عشان اباركلك على النونو ،وبعدين عرفت منين انت عارف انى اقدر اعرف كل حاجه انا أحلام السريطى يا حمزه ولا نسيت فشدد حمزه على ذراعيها وقال : لأ مانستش بس انتى الى شكلك نستى مين حمزه ويقدر يعمل ايه ... انا ممكن امحيكى فى ثانيه أقتربت أحلام منه بجرأه وقالت : وماعملتش كده ليه أبعدها حمزه بخشونه وقال : عشان مابفتكركيش مش عشان مابتهونيش عليه ،ماتديش لنفسك قيمه كبيره يا أحلام ،كل الحكايه انك بتسقطى من بالى أقتربت منه احلام مره أخرى وقالت : طب عينى ف عينك كده للحظه رفع حمزه عينه الى احلام ثم أخفضهم وأولاها ظهره وهو يقول: انا مش فاضيلك ، ومتشكرين على الزياره الغير مرغوبه ولم يمهلها فرصه للرد وسار مسرعاً وكأن الشياطين تلاحقه لم تتحرك أحلام من مكانها ولكنها أقتربت من الأستقبال وأختارت أحد الممرضات التى كانت تثرثر مع صديقتها عن المرضى وحالتهم وتصفها بدقه وهى تشكو وتتذمر من ضغط العمل أبتسمت أحلام بأنتصار صياد حصل على فريسه وتوجهت اليها بعدها بقليل ركبت أحلام سيارتها وقد ملأت الابتسامه وجهها وهى تعد غنائمها وتقول لنفسها : بنت ماتت والتانيه فى حاله حرجه وممكن تمــ,,ـــــوت ،والاجمل شالت الرحم ..... كده رنا انتهت بالنسبه لك ياحمزه وبقيت كارت محروق والملعب بئه خاااااالى ............. ( الفصل السادس والعشرون ) صعد حمزه الى غرفة رنا فوجد أخيها رامى واقفاً بجانب سر,,ـــــيرها ومحتضناً رأسها بين ذراعيه ويلمس على شعرها بينما طارق وقف خارج الغرفه ليترك لرنا المجال لتنهار او تبكى ولكن رنا لم تبكى ولم تصرخ أقترب حمزه من رامى وربت على كتفيه ليتركها وقال محاولاً المزاح : ايه ياعم ،قافش فيها كده ليه دى بتاعتى نظر له رامى وحاول مجاراته فى مزاحه : لو بنحاول نثبت الملكيه بالسنين الى عاشتها مع كل. واحد فينا هتعرف انها بتاعتى انا نحاها حمزه جانباً وقال: بس انا اول واحد شييلتها وهى صغيره تبقى بتاعتى انا ، ونظر الى رنا وقال : مش انتى بتاعتى ولكن رنا كانت كأن لم تسمعهم وف عالم آخر : حمزه ،هو انا هخرج من هنا امتى حمزه: هسأل الدكتوره رنا: طب والبنت حمزه : مش عارف بس هسأل الدكتور بتاع الاطفال رنا : طب ياريت دلوقتى نظر لها وللطريقة كلامها الغريبه ،ثم نظر لرامى الذى أشار له بحركه تعنى أفعل لها ما تريد من فضلك وقال: حاضر يا رنا ،عن أذنكم خرج حمزه من الغرفه ليجد طارق الذى هب واقفاً عندما شاهده يخرج من الغرفه وقال: فى حاجه ،رنا تعبانه ولا حاجه حمزه: لأ هى بس عايزه تخرج طارق : انا مستغرب انها ماعيطتش لغاية دلوقتى حمزه: وانا كمان ،رنا طول عمرها دموعها قريبه وبتعيط على أقل حاجه لدرجة. انى كنت ساعت بتخنق من دموعها ودلوقتى انا بتمنى انهم ينزلوا خايفه عليها ، خايف انها تكون بتكتم جواها وده يكون ليه تأثير سلبى عليها طارق: مش يمكن لو عرفت بموضوع الرح.. حمزه: أوعى ، اوعى ياطارق حد يعرف انا حتى ماقلتش لرامى مش عايز حد يعرف على الأقل دلوقتى طارق : انا من رأيى انها لو فضلت كده تستشير دكتور نفسى حمزه: مش عارف هشوف ،المهم انا هروح اشوف الدكتوره بتاعتها تحرك حمزه ولكن طارق ناداه : حمزه حمزه: نعم طارق : مين الى كانت ف الاستقبال لما دخلنا قطب حمزه حاجبيه وقال: وانت بتسأل ليه طارق : مش عايز تقول بلاش ، بس انا بيتهيألى انها حد لو شافته رنا هتضايق وبرضو لو شافتك وانت بتعاكس الممرضه هتتضايق صاح حمزه بغضب : طارق ماتنساش نفسك انت بتكلم أخوك الكبير قال طارق بسخريه: الكبير كبير بأفعاله أمسكه حمزه من ياقة قميصه بشده وقال من بين أسنانه : لو مكناش فى مستشفى والظروف الى احنا فيها كنت عرفتك ازاى تكلم أخوك الكبير تركه حمزه ونظر لها نظره مليئه بالغضب وقال: أمشى يا طارق ،وجودك مش مرحب بيه دلوقتى طارق : ليه عشان بنبهك لأفعال ممكن تأذى المسكــ,,ـــــينه الى جواه وهنا صاح حمزه: انا ما بعملش حاجه غلط ولا عندى افعال ممكن تأذى رنا طارق : اكبر دليل على غلط انك اتنرفزت عليه دلوقتى ،بدل ماتقولى بكل هدوء هى مين حمزه: انا مش هقولك عشان انا مش مطالب ابررلك تصرفاتى ولا انت وصى عليه طارق : عارف ياحمزه لو الى انت بتعمله ده هيأذيك انت يمكن مكنتش اهتم لكن الى انت بتعمله هيأذى رنا وهنا هتف حمزه: وانت مالك برنا طارق: عشان .... وتدارك خطأه انه كان للتو سيعترف له انه يحبها فسكت حمزه: ايوه عشان ايه طارق : عشان هى زى اختى ،عشان فى بينا رابط دم بالقرابه وبدمى الى بيجرى فى جسمها حمزه بهدوء : روح يا طارق .... روح انت كده عملت الى عليك وماعتقدش اننا هنحتاج خدماتك تانى قال ذلك حمزه وتركه وذهب بأتجاه الطبيبه ...... ... .................................. وصل حمزه ورنا الى منزلهم بعدما سمحت لهم الطبيبه وذهبت معهم زينب لتراعى رنا فى فترة نفاسها دخلت رناغرفتها مستنده على زوجها الذى ساعدها للاستلقاء على الفراش قال حمزه بعدما ساعدها على الاستلقاء: أحسن رنا : اه حمزه : حاسه بحاجه بتوجعك حركت رنا رأسها يميناً ويساراً وقالت : لأ حمزه : هتنامى أومأت رنا بالموافقه لم يتركها حمزه ولكن جلس بجانبها وأمسك بيديها وقال : رنا حبيبتى ،بصى لى نظرت له رنا فأكمل : اتكلمى معايه ،قولى لى اى حاجه تخطر على بالك رنا: كان شكلها ايه تنهد حمزه ولكنه قال: مش عارف ، كانت شبه كل البيبهات ،كلهم بيبقى ليهم نفس الشكل تقريبا لما بيتولده رنا : وعنيها ،لونهم ايه سكت قليلاً لا يعلم أيجاريها ويجاوب على أسئلتها ام يتوقف وف النهايه قرر ان يجاوبها لعل ذلك يخرجها من الحاله التى بها حمزه: ماشفتش عنيها يارنا عشان كانت مغمضه رنا : هى نزلت ميته حمزه : نزلت صاحيه لمدة دقيقتين وهنا صاحت رنا بغضب: طب وليه ما أنقذهوش أمسكها حمزه من ذراعيها بهدوء وأعاد رأسها الى مكانها على الوساده : لو كان بأيدهم ينقذهوها مكنوش أتأخروا ،بس ده قدرها رنا: صح قدرها وقدرى حمزه: قدرك رنا: ايوه قدرى ... قدرى انى فرحتى دايماً تبقى ناقصه ... كل لما أفرح تحصل حاجه تبوظ فرحتى وتعكنن عليه وكأن ... وكأن الفرح مستكتر نفسه عليه ضم حمزه رأس رنا الى صدره : ليه بتقولى كده يا رنا ... انا معاكى وبنتنا هتبقى كويسه وهترجع البيت وتنوره وان كان على ... ان كان على البنت الى اتوفيت فدى رحمه من عند ربنا هتاخد بأيدينا وتدخلنا الجنه ان شاء الله ،فى احسن من كده ف الدنيا رفعت رنا رأسها وقالت : وليه ماقلتش هنجيب غيرها ولا انت خلاص مابقتش عايز ولاد منى شعر حمزه بنغز ف صدره من كلماتها وقال بتلعثم : ليه بتقولى كده ... بس لسه بدرى ع الكلام ده رنا: لأ ،انا بقولك من دلوقتى انا مش هاخد مانع للحمل ، انا عايز طفل تانى وبسرعه حمزه وهو يحاول ان يقول بصوت متزن : مش وقته الكلام ده ، نطمن على هنا الأول كان سيبتعد عنها ولكنها تشبثت بقميصه ونظرت له نظره كلها توسل وقال : حمزه ، انت لسه بتحبنى وعايزنى صح أمسك حمزه براسها بين كفيه وقال : ليه بتقولى كده يا رنا ، طبعاً عايزك وعايزك اكتر من الاول وكل يوم بحبك اكتر من الاول ومش ممكن اتخيل حياتى من غيرك رنا : وعايز منى ولاد تانى أبتلع حمزه ريقه بصعوبه وقال : طبعاً ، ... أكيد أبتسمت رنا أبتسامه خاويه وقالت : ربنا يخليك ليه حمزه وهو يقبلها على جبينها ويساعدها على النوم : ويخليكى ليه ياحبيبتى ........................................... فى خلال الثلاث ايام السابقه واظبت رنا رغم تعبها على زيارة أبنتها فى الرعايه كل يوم حتى انهم فى اليوم الثالث سمحوا لها ان ترضعها قطرات قليله من اللبن الذى حافظت عليه رنا كما علمتها والدة زوجها بتعصير صدرها كل يوم اليوم سمح لها الطبيب ان ترضعها قطرات صغيره جلست رنا على كرسى وأمسكت بطفلتها لأول مره بين يديها ونظرت له ،كما كانت صغيره وعندما فتحت عيونها كانت عيونها عسليه جميله هى تعلم انها لا تراها ولكنها كانت تشعر انها تنظر لها ،نظرت رنا الى الكائن الصغير فى يديها وقربتها من صدرها وبعد عدة محاولات فاشله أستطاعت الصغييره التشبث بصدرها وبدأت تحارب لترتشف قطرات اللبن لم تتمالك رنا نفسها وهى ترى ابنتها ملتصقه بها بعيونها العسليه الجميله وشعرها الأسود الناعم التى ورثته عن أبيها وشعرت بالدموع التى أحتبستها تنزل منها منهمره على خدها بشده بدأت رنا البكاء بدموع قليله وبعدها بشده وبعد ذلك أصبحت شهقات متقطعه أنتبه حمزه لشهقات رنا ووللطفله التى تركت صدرها وبدأت بالبكاء ،لذلك سحب حمزه الطفله من يديها وناولها للممرضه وأحتضن رنا بشده وهى تبكى وهو يربت على ظهرها رغم ان بكاء رنا يكاد يقطع نياط القلب الا ان حمزه كان سعيد بأنها أخرجت ما بداخلها أخيراً رجع حمزه ورنا الى منزلهم ليلاً وقابلتهم زينب التى قلقت من منظرهم ولكن حمزه أشار لها ان تصمت ولا تسأل عن شئ ساعد حمزه رنا على النوم وعندما أطمئن انها نامت خرج لوالدته زينب : فى ايه يابنى ،طمنى حمزه: سمحوا لرنا انها ترضع البنت زينب: طب يا ألف نهار أبيض امال ايه الى زعلكوا ... يكونش صدرها نشف دانا منبه علييه تعصروا كل يوم حمزه: اول مامسكت البنت انهارت وأعدت تعيط .. أخيراً أفتكرت البنت الى ماتت وعيطت عليها زينب: وده الى مضايقك ولا يهمك ،ده كده أحسن بكره تروق وتفوق وتبقى زى الفل أسألنى انا العياط بيريح والكتمه وحشه حمزه: انا عارف بس قلقت عليها كان شكلها صعب اوى ، وكانت تعبانه اوى ومقدرتش بعدها ترضع البنت زينب: لأ ما طاوعهاش مدام البت رضعت منها يبقى خلاص تبقى لازماً ترضعها كل يوم حمزه /: مش عارف يا أمى بس هى لو كل مره عملت كده مش عارف هقدر أخدها تانى للبنت ولا لأ زينب: لأ ماتقولش كده انت لازماً تقويها وتقف جمبها وتخليها تروح وبعدين مهو كده كده البت مسيرها تخرج من المستشفى ولا هتفضل طول عمرها هناك حمزه: لأ هتخرج ان شاء الله الدكتور قالى يومين او تلاته بالكتير ويخرجوها زينب: طب بركه .. روح يابنى روح نام جمب مراتك وبكره تروح شغلك تانى كفايه كده انت اتعطلت اليومين الى فاتوا كتير وانا بكره هروح انا مع رنا المستشفى نظر لها حمزه نظره بمعنى الرفض زينب: ماتخافش والله ما هقولها كلمه تضايقها لو هو ده الى انت خايف منه حمزه : انا ماقلتش كده يا أمى بس زينب: بس انا فهمتك من عينك يا حبيب امك حمزه: أمى رنا مرت بظروف صعبه ومش عايزه حاجه تجرحها هى مش ناقصه زينب: لا هو انت فاكر انى قلبى حجر للدرجه دى مهما حصل انا أمك ياحمزه وان كنت عايزه الولد فده عشانك يابنى عشان يبقى بعدك ويخلد اسمك زى ماعملت مع أبوك بس مش لدرجة انى أضايق رنا وهى حته منها راحت ياعين امها ومقهوره عليها ، وبعدين ان شاء الله المره الجايه تبقى واد نظر لها حمزه نظرة خواء وقال : ان شاء الله ... انا قايم انام ........................ ذهب حمزه ف اليوم التالى الى عمله الذى اهمله مؤخراً وترك زوجته فى عهدة أمه وأطمئن منها ان رنا أصبحت بخير وأرضعت أبنتها ورجعوا الى المنزل أنكب حمزه على عمله لساعات لم يشعر بها وبعدها سمع جلبه عند الباب عقبها أنفتح الباب ودخلت أحلام وورائها دنيا تصيح غاضبه وتقول : ماتشفلك حل ياحمزه مع الهانم حمزه: فى ايه يا دنيا كتفت دنيا ذراعيها حول صدرها وقالت : عايزه تدخل وانت مشغول نظر حمزه الى أحلام وقال: مش بتقولك مشغول يا أحلام ،ممكن نأجل المقابله ليوم تانى أحلام برقه : عايزاك فى حاجه مهمه ياحمزه وهنا قالت دنيا مقلده صوتها : ( عايزاك فى حاجه مهمه ياحمزه ) ماقلنا مشغول طرقينا بئه أحلام: ايه طرقينا دى بقيتى لوكال اوى يا دنيا دنيا : طب تعالى بره وانا اوريكى اللوكال الى على حق كانت أحلام سترد ولكن صوت حمزه أستوقفهم هما الاثنين وهو يصرخ: ايه ... لو عايزين تتخانقوا أخرجوا بره دنيا: شفتى ياله بره أحلام وهو تنظر لحمزه بأستجداء: حمزه ، بجد عايزاك زفر حمزه ثم قال: أدخلى يا أحلام فتحت دنيا فمها لتعترض ولكن حمزه قال قبلها : أقفلى الباب وراكى يا دنيا عدلت دنيا من هيئة قميصها وقالت بغيظ: ماشى يا حمزه أغلقت دنيا الباب بعدما حصلت على نظرة إنتصار من أحلام وخرجت أقتربت أحلام من حمزه الى ان وصلت لمكتبه ،كان يعتقد انها ستتوقف عند المكتب وتجلس امامه ولكنها لفت وذهبت بأتجاه مكتبه وجلست على حافة مكتبه أمامه أحلام بصوتها الجذاب: وحشتنى أرجع حمزه كرسيه للخلف حتى يبتعد عن مجال جمالها وجمال عطرها وقال : هو ده الموضوع المهم الى انتى عايزانى فيه ظهرت دموع فى عيون أحلام وقالت: انت بتعمل معايه كده ليه ياحمزه حمزه: عشان انتى عارفه انى معركتك معايه خسرانه ومع ذلك مش عايزه تيأسى وهنا سمحت لدموع التماسيح ان تنزل وقالت : عشان بحبك يا حمزه أرتبك حمزه للحظه ثم قال : أحلام ..... أحلام انا مش الراجل الى انتى عايزانى أكونه ، انا مليش فى الى انتى عايزاه أحلام ببكاء: هو انت تعرف ايه الى انا عايزاه حمزه: اه عارف أقتربت أحلام منه ووضعت يديها على ذراعى الكرسى الذى يجلس عليه حمزه وقالت وهى تقترب منه بعدما لبست رداء الغاويه : تؤ انت مش عارف وقبل ان يرد وضعت أصبعها على شفتيه وقالت : حمزه انا مش عايزه اكتر من مكالمة تليفون ... مكالمه واحده كل يوم اطمن فيها عليك واسمع صوتك وبس حمزه: بس أحلام: اه بس حمزه: وهتستفادى ايه من كده أحلام: مجرد انى اسمع صوتك كفايه عليه صدقنى سكت حمزه قليلاً ليفكر لكن أحلام لم تمهله فرصه وقالت: ماتفكرش كتير ،هى مجرد مكالمه صغننه فى اى وقت تتحددوا انت حمزه: وانتى مش هتتصلى ابداً احلام: لو ادتنى وعد انك هتكلمنى كل يوم مش هتصل ابداً ولو على رقبتى سكتت حمزه قليلاً ثم قال : ماشى يا احلام ،لما نشوف أخرتها ياريت بئه تروحى وماتجيش تانى هنا ولا فى اى حته انا فيها أحلام مبتسمه: حاضر انزلت أحلام يديها وسارت ببطء الى الباب بعدما سحبت شنطتها وسارت الى الباب وقبل ان تخرج التفتت لحمزه وأرسلت له قبله فى الهواء وقالت بصوت مبحوح : هستنى مكالمتك على نااار يا زيزو وخرجت تلاحقها أبتسامة حمزه وهو يقول لنفسه : مجنونه ... والله مجنونه #أنت دائى ودوائى ( الفصل السابع والعشرون ) بعدما خرجت أحلام من مكتب حمزه ،دخلت دنيا كالأعصار وهى تصيح: ممكن أفهم الزفته دى كانت عايزه أيه حمزه: وطى صوتك يا دنيا دنيا بعند: مش هوطى صوتى ياحمزه ،انت بتغلط ،بتغلط فى حق نفسك وحق مراتك حمزه: اديكى قلتى نفسى ومراتى ،انتى مالك بئه دنيا : حمزه ،ماتنرفزنيش ،انا خايفه عليكى أحلام دى مش سهله دى شيطانه حمزه: على نفسها ،انتى عارفه انى أكتر واحد فاهم احلام والاعيبها دنيا: والله غرورك ده هيوديك ف داهيه،ربنا يكفيك شر كيد النسا حمزه: مالك يا أحلام بقيتى عامله زى أمى كده ليه ،ناقص تقولى لى جملتها الشهيره وتبقى خدتى كل كلامها دنيا: جملة ايه؟! حمزه: بلاش أحسن ،المهم قولى بعتى الورق للحسابات دنيا: اه بعته وبيجهزوا المبلغ الى طلبته وبكره هيطلع محسن على الموقع حمزه: مش عايز غلط دنيا: ماتخافش انا كلمت سيف وهو هيكون منتظره هناك حمزه: طب ياله روحى كملى باقى الورق وهاتيه أمضيه عشان عايز امشى دنيا: على فكره انت بتوه الموضوع ،بس اسمع منى ابعد عن أحلام ياحمزه حمزه: خلاص بئه يا دنيا متبقيش زنانه دنيا: براحتك خرجت دنيا وأستئنف حمزه عمله ولكنه تفاجئ بأتصال على هاتفه الخاص برقم غريب حمزه: الو (...) : حمزه حمزه: أحلام ،جبتى الرقم ده منين أحلام برقه: انا مش قليله ياحمزه واقدر أعرف كل حاجه حمزه: لا والله أحلام: اه والله ،جربنى حمزه: مش محتاج سكتت احلام قليلاً ولكنها لم تستسلم : حمزه ،انت وعدتنى هتكلمنى حمزه: ده صحيح بس كان كلامنا واضح انا اكلمك مش انتى الى تكلمينى احلام: صح ،وانا عند كلامى ... بس انا عارفه ان انت مش معاك رقمى فقلت اكلمك عشان يكون عندك حمزه: اها أحلام: هستناك تكلمنى يا حمزه زى ما وعدتنى حمزه: ماشى يا احلام بس اقفلى دلوقتى عشان عندى شغل كتير احلام: اوك ،خلى بالك على نفسك يا زيزو أغلق حمزه الهاتف دون ان يرد عليها ولكن كانت هناك أبتسامه تشق وجهه عندما عاد مره أخرى لينكب على العمل الذى أمامه ................................ رجع حمزه المنزل فلم يجد والدته ووجد رنا بغرفتها نائمه ،أقترب منها وقال بهدوء: رنا .. رنا أستيقظت رنا وفتحت عيونها وقالت وهى تستقيم لتجلس : حمزه حمزه وهو يزيح بعض الخصلات من شعرها من على وجهها : نايمه ليه دلوقتى ،وفين أمى رنا: مامتك روحت عشان طارق حمزه : وسابتك وانتى تعبانه رنا : انا بقيت كويسه ياحمزه وبعدين ماتنساش ان طارق بئه هنا يعنى ماينفعش تسيبه سكت حمزه قليلاً ثم قال: البنت عامله ايه رنا: كويسه وأطرقت رنا برأسها لأسفل حتى تدارى دموعها ، رفع حمزه رأسها وقال: طب ليه الدموع دلوقتى رنا: الدكتوره قالت لى ان لبنى قليل وانها هتحتاج نساعد بصناعى حمزه: طب وايه المشكله رنا: خايف ماترضاش ترضع منى تنى ياحمزه ،مامتك قالت لى انها هتستسهل الصناعى وماترضعش منى حمزه/: طب وايه المشكله ما أغلب الولاد دلوقتى بيرضعوا صناعى ،مبقتش مشكله يعنى رنا: بس مامتك قالت انها كده هتبقى ضعيفه وهتمرض علطول حمزه: بقولك ايه يا رنا ،امى دقه قديمه وماشى على كلام زمان ... سيبك منها كل الولاد دلوقتى بيرضعوا صناعى ولا بيمرضوا ولا حاجه وفى ولاد بترضع طبيعى وكل يوم والتانى بيبقوا عند الدكاتره رنا: بس كان نفسى ترضع منى ، وزى كل حاجه نفسى فيها ماكملتش أزاح حمزه رنا وهو يقول : طب أتاخرى كده وخدينى جمبك عشان بس نعرف ايه هى الحاجات الى انتى نفسك فيها وماحصلتش ،رغم ان غرورى صورلى انك كنتى بتتمنى تبقى مراتى وربنا حققلك الى بتتمنيه بس طلعت غلطان رفعت رنا رأسها وقالت : لأ طبعا ً حمزه بخــ,,ـــــبث: لأ طبعاً ايه رنا بخجل : انت عارف حمزه: حتى لو عارف محتاج اسمعها منك رنا: عايز ترضى غرورك حمزه : تؤ ،عايزك ماتزعليش .... ربنا دايماً فى قضاه بينزل رحمته ،كل حاجه بتحصل لحكمه عنده فعشان كده مهما حصل لازم تبقى حاطه فى دماغك ان ده حصل عشان فيه خير انتى ماتعمليش بيه رنا: حاضر حمزه: توعدينى يا رنا رنا: أوعدك ياحمزه قام حمزه من مكانه وبدل ملابسه وبعدما خرج من الحمام قال لرنا : فيه عشا ولا هنام خفيف رنا: حاضر ياحمزه ،هحضرلك اهو حمزه بابتسامه : هتاكلى معايه رنا: ماشى حمزه: طب ياله .............................................. جلس حمزه مع رنا على السفره وقال: محدش قالك هيخرجوا البنت امتى رنا: هنا .... اسمها هنا ياحمزه حمزه: معلش مش متعود رنا: الدكتوره قالت ممكن بكره او بعده بالكتير حمزه : عايزين نجهز للسبوع رنا مستنكره: سبوع حمزه : اه سبوع يا رنا ،او بمعنى ادق عقيقه رنا: عايز تعمل سبوع يا حمزه ونفرح ونهيص وبنتنا ميته حمزه: وايه يعنى يارنا ،ربنا خد أمانته بس سابلنا هديه جميله لازم نشكره عليه ونفرح مش نزعل ونعمل حداد رنا: بس انا مش عايزه حمزه: وانا عايز ،مش معقول معملش سبوع لبنتى الوحيده رنا: وحيده ... ليه وحيده هو احنا مش هنخلف غيرها ارتبك حمزه وقال بتلعثم : أقصد .. دلوقتى ... دلوقتى هى وحيده ومفيش غيرها رنا: خلاص نأجلها لما نخلف تانى نعملهم الاتنين مع بعض حمزه: ازاى يعنى رنا: هو كده ،احنا ان شاء الله هنخلف علطول انا مش ناويه استعمل وسيله عشان نخلف علطول حمزه وقد بدأ يفقد أعصابه فصاح : هو سباق يا رنا ، ليه نخلف علطول وبعدين ده كلام سابق لأوانه رنا : حمزه هو انت مش عايز منى عيال ،انت فاكر ان كل خلفتى هتبقى بنات صح القى حمزه بفوطته على السفره وقال بغضب: يووووه ، يا رنا .... كل شويه خلفه خلفه مش لما نجيب بنتنا الاول ونطمن عليها وبعدها تفكرى فى الى بتقولى عليه ،واعملى حسابك انا هعملها احسن سبوع عايزه تحضرى براحتك مش عايزه برضو براحتك ... انا داخل انام رنا: مش هتكمل أكلك حمزه: شبعت ............................................... دخلت رنا الى الغرفه فوجدت حمزه يستعد للنوم فقالت بهدوء : حمزه حمزه : نعم رنا: آسفه رفع حمزه رأسه وقال : على ؟! رنا: على كل حاجه انا بحاول أرضيك وماتبقاش زعلان ،عارف انك زعلان عشان البنات صاح حمزه بغضب: انا لو زعلان ،فزعلان بس عشان بنتى ماتت لكن غير كده فانا فرحان جداً انا بئه عندى بنت وفرحان اكتر انها منك رنا: يعنى مش زعلان هتف حمزه: مش زعلان ،مش زعلان .... هفضل اقولها لحد امتى رنا: خلاص خلاص ياحمزه حمزه : طب يا رنا ياريت ننام عشان انهارده كان يوم كله ضغط وانتى كملتيه عليه رنا: ماشى ياحمزه وآسفه لو كنت ضايقتك حمزه: لأ واطفى النور عشان انام ................................ فى اليوم التالى وصل حمزه الى عمله وهو غاضب، رغم ان رنا حاولت كثيراً ان تسترضيه ولكن غضبه كان ليس منها غضبه من القادم ،خائف من رد فعل رنا عندما تعلم بأنها اصبحت غير قادره على الخلفه ، ويلعن نفسه فى كل لحظه يخبرها فيها انه يريد المزيد من الأطفال ،هل هو يضحك عليها ويعطيها امل مستحيل ولكن ف النهايه هو لا يستطيع ان يخبرها ،ف الوقت الحالى على الأقل بدأ عمله حتى منتصف النهار وبعدها قرر ان يأخذ أستراحه قصيره ، طلب من دنيا ان توقف التليفونات والمقابلات وتمدد قليلاً على أريكة مكتبه ووضع ذراعه على عيونه ، سكن قليلاً ولكن فجأه قام وسحب هاتفه وطلب رقماً كان متردد فى مهاتفته أحلام : كنت همــ,,ـــــوت لو مكنتش كلمتنى حمزه: تمــ,,ـــــوتى ،مش شايفه انك مبالغه شويه احلام : لو تعرف انا بحبك اد ايه مكنتش قلت كده حمزه : انا وعدتك وانا مش برجع فى وعدى أحلام : عارفه يا حمزه عارفه حمزه : طيب انا وفيت بوعدى ، هقفل بئه أحلام : طب استنى بس ممكن اطلب طلب تانى حمزه: هنبدأبئه احلام: لو رفضت مش هلح حمزه : اتفضلى احلام: ممكن اضيفك عندى على الواتس ، انا عارفه الاكونت بتاعك بس مش هبعتلك ريكوست الا لو انت رضيت تضفنى ولو انت قلت لأ خلاص مش هفتح الكلام تانى حمزه: مش فاهم ايه لزمته احلام: بلييز ياحمزه حمزه: ماشى يا احلام احلام: بجد واقفت ،انا بحبك اوى ياحمزه حمزه: ماشى يا احلام ..... سلااام احلام: سلام ياحبيبى ..................................... خرجت الطفله من المشفى ف اليوم التالى وبعدها بأسبوع أقام لها حمزه أحتفالاً كبيرا وعزموا فيه كل أقاربهم وأصدقئهم مر على وجود الطفله ثلاث شهور أحاطتها رنا بكل انواع الرعايه وكانها من الزجاج ، كانت تخاف عليها من كل شئ واى شئ أصرت رنا ان تبيت الطفله معهم فى الغرفه وكانت الطفله كثيرة البكاء فلذلك فى النهايه قرر حمزه ان ينام هو فى الغرفه الأخرى ويتركهم كان رنا تعانى مع طفلتها كثيرة البكاءء وتعانى مع زوجها الذى أظهر غيره غير طبيعيه بأهتمامها بالصغيره ودائماً كان يشكو من الأهمال أستمرت مكالمات أحلام مع حمزه كل يوم تقريباً وزاد عليهم مدــ,,ـــــادثات الفيس بوك والواتس آب ، كان يعلم ان أحلام تتسلل الى حياته وفى كل مره كان يحاول ان يوقفها يمتنع فى آخر لحظه ويخبر نفسه ان الأمر لا يتعدى المكالمات والرسائل حتى انه لم يراها منذ آخر يوم كانت عنده واتفقوا على المكالمات .................................. دخل حمزه الى المنزل ودلف الى غرفة نومه فوجد رنا بجانب سر,,ـــــير ابنته وأشارت له بمعنى الا يقوم بأى صوت وسحبته من يده وخرجوا من الغرفه نظر حمزه الى رنا فوجدها مرتديه غلالة نوم باللون البنفسجى الغامق ( كانت الغلاله طويله وبها شق يصل الى فوق الركبه وبحمالات رفيعه رقيقه والظهر عباره عن خيوط متعاكسه تشكل حرف أكس ) نظر الى جسمها الذى أمتلئ قليلاً بعد الولاده حمزه بخــ,,ـــــبث : هو انهارده عيد ولا ايه رنا : انا عارفه انى مقصره بس انت شايف هنا واخده كل وقتى وغصباً عنى حمزه بحزن مصطنع: يعنى هنا تاخد كل وقتى وابو هنا ملوش خمس دقايق بس رنا: لأ طبعاً ابو هنا ليه وقتى كله وعمرى كمان حمزه متشدقاً: كلاااام رنا: لأ مش كلام أقترب منها حمزه ووضع يديه على خصرها ليقربها منه لتصطدم بصدره وقال بصوت أجش :أثبتيلى خجلت رنا واحمرت وجنتيها وقالت : العشا حمزه : تؤ تؤ ،انتى عشايه انهارده رنا: انا عملالك الأكل الى انت بتحبه حمزه : انا بحب حاجه تانيه وهاكلها دلوقتى حالاً وأقرن قوله بالفعل وأقترب منها وقبلها قبله طويله على شفتيها يبث فيها شوقه ولكن صوت بكاء جعل رنا تبتعد عنه فجأه أبتعدت رنا وجرت الى الغرفه وهو تقول : هنا حمزه بغيظ: البت دى لو حد مسلطها عليه مكنتش عملت فيه كده خرجت رنا من الغرفه تحمل هنا التى ما ان رأت والدها حتى تهللت أساريرها وأصدرت أصواتاً كزغزقة العصافير رنا: شوف البنت بئه طول النهار اغلب معاها وانت تيجى تاخد الحب على الجاهز حمزه: يعنى لا أطول البت ولا أمها ،هاتيها وروحى حضرى العشا ولا هى ليله مش باين منها اى حاجه لاعشا ولاغيروا أعطته رنا الطفله وهى تقول : ثوانى والاكل يكون جاهز حضرت رنا العشاء وجلسوا سوياً على السفره ولكن الصغيره لم تترك لهم الفرصه فقد بدأت العشاء بالبكاء والصريخ وبعدها تحضير اللبن لها وفى النهايه انهت العشاء برائحه نفاذه تعلن وبكل شجاعه ان هذا الكائن الصغير قضى حاجته وقضى معها على كل أمل فى عشاء هانئ فى النهايه سحب حمزه نفسه ودخل الى الغرفه التى أصبحت غرفته مؤخراً فتح حمزه حاسوبه فوجد كالعاده احلام متصله وعندما بلغها انه متصل ارسلت له كعادتها صوره لها كتب حمزه : مش عارف ايه المغزى من انك كل لما تلاقينى اون لاين تبعتيلى صورتك كتبت احلام: عايزه احس انى معاك ، وانت كمان معايه بس عارفه انك هترفض تبعتلى صورتك كتب حمزه: هتلاقى صورى على الفيس كتبت احلام: لأ انا عايزه صورتك دلوقتى ، فى البيت حمزه: تفرق احلام : كتييير حمزه: طب مانتى كل صوره بتبعتيها بتبقى بوشك بس ،يعنى مش هتفرق من انهارده لبكره ،يمكن بس بيتغير تسريحةْشعرك او الميكب احلام: مهو ماينفعش ابعتلك صورتى كلى حمزه : ليه احلام: لأنى بكون على راحتى ف البيت وماينفعش تشوفنى كده حمزه: وايه يعنى مانتى بتيجى الحفلات بفساتين عريانه ومكشوفه مش جديد يعنى احلام: تؤ الى بقعد بيه ف البيت ، مايجيش اى حاجه جمب الى بكون فيه ف الحفلات أنتبهت كل حواس حمزه الى كلمات أحلام ،فسحب نفساً طويلاً وهو يقول لنفسه : اللهم ما أغزيك يا شيطان كتب حمزه: انا لازم اقفل دلوقتى يا أحلام وقبل ان ترد كان حمزه قد أغلق حاسوبه وخرج يبحث عن زوجته لتطفئ النــ,,ـــــار التى أشعلتها أحلام فى جسده خرج من غرفته فوجد زوجته متجهه ناحيته فحمد ربه انها لم تنام والا كان سيضعف ويرجع مره أخرى لحاسوبه رنا: آسفه ياحمزه ، هنا غلبتنى عقبال مانامت حمزه: هتصحى تانى رنا: لأ اكيد مش هتصحى قبل ساعتين على الاقل مد حمزه يده الى رنا وقال: طب تعالى وضعت رنا كفها فى يد حمزه وسحبها الى غرفته ليقضوا ليلتهم الذى حاول فيها ان يكون معها رقيق متفاهم وأيضاً يدللها بكل طريقه ويحاول بشتى الطرق ان يجعلها أكثر من راضيه وكأنه بذلك يمحى عن نفسه عبء ذنب نفسه أبت ان تعترف به .. ( الفصل الثامن والعشرون ) أستيقظ حمزه ف اليوم التالى فوجد الفراش خالى بجانبه وهو شئ كان متوقع ، فهو كان يوقن ان رنا انتظرته حتى غفى وانتقلت الى غرفة أبنتهم لتنام بجانبها خرج حمزه وتوجه الى غرفتهم وأوقظ رنا بهدوء ،أستيقظت رنا وقالت : حمزه ... فيه. حاجه حمزه: عايز انزل رنا: طب ماتنزل ياحمزه حمزه بنفاذ صبر : رنا ممكن تفوقيلى ،قومينى فطرينى انتى عارفه انى مكلتش امبارح على العشا وكمان حضرلى هدومى رنا: حاضر ياحمزه حاضر حمزه: طب ماتتحركى انا متأخر اصلاً ،وبعد كده ياريت تصحينى بدرى رنا: حاضر ياحمزه قامت رنا وأعدت ملابس حمزه وبعدها دخلت الى المطبخ لتعد الطعام وفى منتصف التحضير أستيقظت هنا فأضطريت ان تحملها بيد وتحضر الطعام بالأخرى ، وأحضرت لها رضعتها وجلست على السفر لترضعه بعد قليل ارتدى حمزه ملابسه وجلس على السفره امام رنا بوجه متجهم قالت رنا لتخفيف الجو: مش هتصبح على هنا يابابى رفع حمزه نظره الى طفلته التى كانت تطالعه بعيونها العسليه التى تشبه والدتها وشعرها الأسود الناعم جداً والغزير والذى غطى جبهتها ، أبتسم لها فأعادت له أبتسامته بأجمل منها أبتسامه واسعه أظهرت نواجزها حمزه: عندها غمازات زيك يا رنا خجلت رنا وقالت: اه حمزه : ارفعى لها شعرها من على عنيها رنا: كل لما ارفعه ينزل تانى ،اصله ناعم اوى طالعه لك حمزه : تؤ ،ده شعر طارق ،طارق شعره انعم منى رنا: اه صحيح ، هو فين طارق ماجاش زارنا من يوم المستشفى ولا مره ولا حتى جه يوم السبوع قطب حمزه جبينه وتذكر آخر مشاده بينه وبين طارق وكيف ان طارق كان مصراً على انتقاضه ،تغاضى حمزه عن خلافتهم وأتصل به يوم سبوع أبنته ولكنه أعتذر بمشاغل هو يعلم انها وهميه حمزه : معرفش ،اصله مشغول رنا: طب ماتكلمه وتقولوا يجيى هو ومامتك يتغدوا معانه حمزه : هشوف قام حمزه من على السفره وقبل رنا من جبينها وقال : عايزه حاجه قبل ما أمشى رنا: سلامتك ،خد هنا سلم عليها قبل ماتمشى حمزه : مش لازم يعنى هبوسها وهى على حجرك رنا بحزن : هو انت ليه مش بتشلها خالص ياحمزه أمسك حمزه من وجنتيها وضغط عليها وقال : على فكره هى بنتى وانا بحبها بصرف النظر عن افكارك انها بنت والكلام الفاضى ده ،بس انا مبعرفش اشيل عيال صغيره بخاف رنا بعزم: هعلمك أمسكت رنا بالصغيره ووضعتها على صدر حمزه ووضعت يديه أحدهم تحت رأسها والاخرى تحت ركبتيها بقليل وقالت : اهو ... شاطر كده أبتسم حمزه وأبعد رأس صغيرته قليلاً لينظر لها وبدأ فى مداعبتها فبدأت الطفله تصدر أصواتاً تنم عن السعاده ، وفجأه تجشأت الطفله وأنزلت بضع قطرات من اللبن على سترة حمزه فصاح حمزه بغضب : ايه القرف ده رنا: معلش ،معلش ياحمزه هى أشطت حمزه بغيظ وهو يجز على أسنانه : رنا أبعدى انتى وبنتك من أدامى ،انا غلطان انى شيلتها أصلاً دخل حمزه وبغضب بدل ملابسه وسحب مفاتيحه وخرج من الشقه دون سلام ضحكت رنا بعدما نزل حمزه وقالت لابنتها : كده يا هنون تزعلى بابا، بس مش أشكال هيتكسى .................................... وصل حمزه الى مكتبها وهو غاضب فوجد سيف ينتظره فى مكتب دنيا فالقى السلام وقال لسيف: ايه الى مقعدك هنا سيف : ياعم انا مستنيك من بدرى ،انت اتأخرت كده ليه حمزه بتجهم : مفيش ،تعالى جوا المكتب دنيا: عايزه الورق تمضيه دلوقتى حمزه: لأ ، أبعتى لنا اتنين قهوه وشويه واقولك تبعتى الورق دخل حمزه وسيف الى مكتب حمزه وجلس حمزه بعدما نزع سترته سيف: مالك ياعم متنرفز ليه حمزه: مفيش ،هنا ياسيدى بعد مالبست بخرتنى ورجعت عليه ضحك سيف عالياً وقال: هو ده الى مضايقك ،ايه يعنى ماياما أدهم عملها عليه ودلوقتى دانا لدرجة انى بقيت احس انى ده البرفيوم الجديد بتاعى حمزه : الله يقرفك ،دى ريحه معفنه سيف: يبقى الله يكون فى عين امهاتهم الى طول النهار بيشموا الريحه دى حمزه: اه سيف: مالك ياحمزه مش معقول يكون ده بس الى مضايقك شايفه يعنى موضوع هايف تنهد حمزه وقال: مش عارف انا مضايق ليه سيف: طب احكيلى يمكن اساعدك حمزه : مش عارف رنا بقيت علطول مشغوله عنى بهنا وبقيت احس انها مش فايقالى خالص سيف : طب ماتجيبلها حد يساعدها حمزه : حد ،خدامه تقصد سيف: هو انتوا معندكوش شغاله حمزه: لأ سيف : انا كنت اقصد مربيه ،بس انتوا كده كمان محتاجين شغاله حمزه: بس انا مابحبش ناس غريبه فى بيتى سيف : ولا انا بس دى ضروره حمزه : مش شايفها ضروره ،مش كل واحده تخلف بيجيبولها مربيه سيف: معاك بس مدام ربنا كرمك وقادر ليه ما تساعدش مراتك حمزه: ببساطه بكره وجود الخدامين ،وبعدين هى بنت واحده مش عشرين وبعدين احنا تلاته فى البيت مش عايشن فى فيلا زيكم سيف: ده نظام قر ده ،مانت شقتك فى حته راقيه وواسعه جداً وكبيره وتقريباً بتمن فيلتى حمزه: مش بحسدك ياسيف ،انا بفهمك ان الوضع مختلف سيف : طب خلاص مادام انت مش راضى بالشغاله تبقى تعذرها وهى فتره لغاية لما بنتك تكبر وبعدها الأمور هتستقر حمزه: ان شاء الله ،قولى بئه ايه الى جابك من الصبح كده رغم انى. بعتلك محسن بالورق على الموقع سيف : أحلام أجفل حمزه وقال متفاجئاً : أحلام؟! سيف : اه أحلام ... ايه تنكر انك بتكلمها حمزه: مين قالك سيف: يبقى صح حمزه : هو ايه الى صح ،انت جبت الكلام الفارغ ده منين سيف: ده مش كلام فارغ يا حمزه .... الكلام ده حقيقى ،بس الى بجد عايزه اعرفه ليه؟ ليه تكلم واحده زى احلام ؟ ليه عملت كده وانت اكتر واحد عارف احلام وقذارتها حمزه : انت بتحاسبنى ياسيف سيف: انا بفوقك ياصاحبى ،مش بحاسبك حمزه بسخريه : ايه يا دنجوان ،بئه انت الى بتنصحنى روح انصح نفسى سيف : صحيح انا دنجوان بس من يوم ماحبيت ديما وعمرى مابصيت لواحده غيرها ولا هبص عشان مفيش ست بتملى عينى غيرها حمزه : وانا مابخونش رنا سيف: والى بتعمله ياحمزه مايتسماش خيانه حمزه: هو الى بلغك مابلغكش انى ماشفتهاش من اكتر من شهرين سيف : بس بتكلمها كل يوم حمزه : فى التليفون بس سيف : ليه حمزه: هو ايه ليه ؟! حمزه: ليه بتكلمها ف التليفون يا حمزه ، مكالمه زى مابتقول مش مهمه ليه مواظب عليها حمزه: انت عايز توصل لايه ياسيف سيف : عايزك تفوق ، انا ف يوم م الايام مراتى كانت هتروح منى عشان غبائى وعشان واحد بياخد تاره منى ... كانت هتضيع هى وابنى من غير ذنب عشان ( وسختى ) فمش عايز ده يحصلك صدقنى سكت حمزه قليلاً ثم انتقل من خلف المكتب وجلس امام سيف وقال بهدوء : انا بحب رنا سيف : تفتكر حمزه: بطل تعمل زى دنيا سيف : طب ممكن تفسرلى علاقتك بيها ايه ،ومش بيها هى بس بكل ته مربوطه تعدى من أدامك حمزه: مش للدرجه دى يعنى سيف : امال لدرجة انك تعاكس الممرضه ومراتك بين الحيا والمــ,,ـــــوت ولسه بنتك ميته ضاقت حدقتى عين حمزه وقال : انت شفت طارق امتى سيف : جانى المكتب من يومين حمزه: جاى يشتكى منى سيف: جاى خايف عليك حمزه: انا مش صغير سيف: لأ صغير ،عقلك صغير لما ماتعرفش تتحكم فى غرايزك زى الحيوانات تبقى صغير ،لما تبقى بتدعى فى لحظه ان مراتك تقوم من محنتها واللحظه التانيه تبص لغيرها تبقى عيان ومحتاج تتعالج حمزه: انا ماعكستهاش ياسيف ، يمكن بصتلها بس ما اتعدتش حدودى سيف : وكان فيك دماغ تبص ،مخك الى مفروض مابيفكرش غير ف مراتك قدر يترجم ان الى واقفه أدامه دى واحده حلوه او وحشه وبعدين تقولى بحبها حمزه : ايوه طبعا بحبها ،بس ... سيف: ايوه بس ايه حمزه: غصب عنى ، ساعات بحس انه شئ خارج عن ارادتى سيف : مفيش حاجه اسمها كده ،انت راجل قوى ياحمزه والى خلاك واحنا فى عز ما احنا ف الجامعه وكنا انا ومازن وماجد بنعاكس بنات وانت كنت دايماْ ملتزم ومن جامعتك لشغلك يثبت اد ايه انت راجل قوى وممكن تقف ادام اى مغريات حمزه : يمكن هو ده الى عمل فيه كده ياسيف سيف: مش فاهم حمزه: يمكن عشان كنت دايماً مش عايش سنى ،طول عمرى وانا بتحمل المسئوليه واضطريت اتحملها من بدرى اوى وماعشتش حياتى كشاب طبيعى ،اخرج واسهر واتعرف على بنات ... يمكن هو ده الى خلانى بعد المسئوليه ماخفت عنى عايز اعيش سنى الى ماعشتوش سيف : ورنا حمزه : مالها رنا ... رنا مراتى وام بنتى سيف : والزوجه المثاليه ... بنت عمك وصغيره ملهاش خبرات انت عندها بعد ربنا ومهما تشوف منك مش بتزعل ولا بتثور ولا بتغضب ،يعنى نقدر نقول عجينه لينه تقدر تشكلها على كيفك وتعمل فيها مابدالك حمزه : انت ليه مصور الموضوع مأساوى كده ،انا معيش رنا احسن عيشه عيشه مكنتش تحلم بيها سيف: بس هى دى النقطه الرئيسيه الى انا عايز اوصلها واعرف انت بتعمل كده ليه مع مراتك الى المفروض انك بتحبها حمزه: ايه بئه يافالح سيف: انك مستكتر نفسك عليها ياحمزه ،حاسه انها قليله جمبك وانها مفروض تحمد ربنا ليل ونهار على انك اتكرمت واتجوزتها وبكل غرور هى غذته بحبها وتسامحه العالى معاك الى فى نظرها منتهى الحب وهو ف الحقيقه منتهى التنازل والضعف انت قررت انك اتنازلت واتجوزتها ورضيت بالى اقل منك يبقى هى المفروض تتشارك مع غيرها فيك وتحط الجذمه فى بؤها وماتناقشكش ولا تعتب حتى عليك ولا تسأل ليه ، صح؟! حمزه: لأ غلط حمزه: لأ صح ،وهى دى الحقيقه الى لازم تعترف بيها ،عشان انت بجد لو شايف مراتك قليله فى نظرك لازم تسيبها عشان ماتجرحهاش اكتر من كده حمزه: انا مقدرش اسيبها سيف: يبقى ماتخونهاش حمزه: انت برضو مصمم انها خيانه سحب سيف سلسلة مفاتيحه وهاتفه ووقف وهو يقول لحمزه : مش عارف ليه ياحمزه انا حاسس انك مابتحبش مراتك كل الحب الى بتحاول تظهره للناس ولنفسك قبلهم حمزه بعند قبل ان يخرج سيف من مكتبه : لأ بحبها التفت سيف من عند الباب وقال : الحب افعال مش بالكلام ياحمزه قال سيف ذلك وخرج من المكتب بعدها دخلت دنيا فرفع حمزه رأسه وقال : انتى الى قلتى له دنيا: هو جاى عارف من حد تانى حمزه: وانتى تبرعتى مشكوره وكملتى له التفاصيل دنيا: انا خايفه عليك ياحمزه هب حمزه واقفاً بغضب: هو كل حد يقولى انا خايف عليك ياحمزه ،هو انا بقيت عيل صغير وانا مش واخد بالى ،ماكل واحد يخليه فى حاله ويبعد عنى ،وانتى بالذات مش أهل انك تتكلمى ولا تدافعى عن رنا وانتى من جواكى بتحبينى وبتتمنى انى اكون ليكى سكتت دنيا قليلاً وقالت: لو انت فاكر ان بالكلمتين دول بتجرحنى او تحسسنى بالذنب عشان ابطل اقولك ابعد عن احلام فأحب اقولك انها طريقه رخيصه ... عشان انا عمرى ما اتعديت حدودى معاك من يوم ما اتجوزت رنا وانت بنسبه لى مديرى وصديقى وبس دلوقتى حمزه بتهكم: يعنى انتى عايزه تفهمينى ان نظراتك ليه نظرات سكرتاريه لمديرها دنيا بثقه : حتى لو نظراتى فيها حاجه ،هو مش انت برضو الى قلت النظرات والكلام المجامل مايعتبرش خيانه ولا ايه بهت حمزه قليلاً وشعر بالارتباك فسحب سترته من على ظهر كرسيه وقال : انا ماشى .................................. فى احدى الكافيهات الشهيره وصلت احلام بهيئتها التى تجذب كل من حولها وهى ترتدى فستان قصير من اللون الاصفر بحزام من الخصر باللون البنى وشنطه وحذاء من اللون البنى ايضاً وشعرها الكنستنائى الرائع رفعته لأعلى وتركت خصلتين بجانب أذنيها جلست احلام امام صديقتها التى كانت تنتظرها أحلام : هاى يا دعاء دعاء: هاى يالومى عامله ايه ،اتأخرتى ليه احلام: معلش صاحيه متأخره دعاء وهى تغمز لها : ليه ،كنتى بتعملى ايه ... ماتقوليش ان الموضوع مع حمزه اتفتحت عن الاون لاين أحلام وهى تهز شعرها بثقه: لسه شويه ،بس قربت جداً دعاء : انا مش فاهمك بجد يا احلام ،يعنى اى راجل ف الدنيا بيتمناكى ويتمنى اشاره ويجيلك زاحف تحت رجليكى وانتى مصره على حمزه ده معرفش ليه احلام: عشان عجبنى ،داخل مزاجى ومش. هنسى له انه رفضنى دعاء: رفضك ،رفضك ازاى احلام: ده زمان ، بعد ماطلقت من عمار اتكلمنا فتره ولما عزمته عندى ف البيت وأستسلمى للحظه بعد كده فاق لنفسه وقالى لأ دعاء: وانتى سبتيه بسهوله احلام: لأ طبعاً ،فضلت شغال عليه بس ف الأخر طلب منى اتجوزه ... تخيلى دعاء : وانتى رفضتى احلام: بصى وقتها رجعلى عمار وف الوقت ده حمزه كان مجرد رجل اعمال عادى جداً وبالمقارنه مع عمار كفت عمار كانت هى الارجح دعاء: الكلام ده من اد ايه احلام: من كتييير اوى دعاء: وايه الى فكرك بيه دلوقتى احلام بنظرات منبهره : لما قبلته فى شرم ،يااى يادعاء اد ايه بئه هند سم وهانسنج ... بجد بئه واااو دعاء: بس متجوز احلام: مش لكتير ،هى عاديه بل اقل من العاديه فى نظرى وكمان مش ستايل خالص ومابتعرفش تقول كلمتين على بعض ده غير بئه موضوع استئصال الرحم يعنى من الآخر بقيت نص ست وم الآخر هى مش لاقيه عليه وماتنفعوش ............................. وصل حمزه الى منزله وهو غاضب ووجد رنا ترتب فى الشقه فقال: السلام عليكم رنا: وعليكم السلام ، جيت بدرى ليه حمزه: مش عايزانى اجى رنا: لأ طبعاً ،بس اقصد انها مش بعادتك ... اوعى تكون تعبان حمزه وهو يجلس على الاريكه : لأ مش تعبان يا رنا بس اتخنقت من الشغل رنا: احسن قضى اليوم معانه حمزه: طب هخش انام شويه وصحينى على الغدا رنا: طب ماشى حمزه : اه صحيح ،رامى كلمنى عرفتى انهم حددوا ميعاد الفرح رنا : اه كلمنى بس ما افتكرش اننا هنروح حمزه متعجباً : ليه؟!..... دانتى كنتى بتعيطى يوم كتب الكتاب عشان كنتى حامل وماينفعش تسافرى دلوقتى بتقولى مش هسافر رنا بخجل : مهو ... اصل .. انا ممكن برضو اكون حامل حمزه بصدمه: ايه .. حامل ،حامل ازاى يعنى رنا: هو ايه الى ازاى ياحمزه حمزه : ما اقصدش ، اقصد عرفتى ازاى رنا: هو انا مش متأكده بس هى يعنى ... البريود مش جت من بعد ماربعنت فطنط قالت لى انه احتمالين ياكون حامل يابرضع نضيف حمزه: طب وليه اختارتى انك حامل مش الاختيار التانى رنا وهى تضع يديها على بطنها : قلبى .... قلبى حاسس انى حامل جزع حمزه من مشهد رنا وهى تضع يديها على بطنها ووقف حائراً أيخبرها انها مخطئه ايخبرها بمنتهى القسوه انها لن تحمل مره أخرى ،ام يتركها لأمالها حمزه بأرتباك : رنا ... اكيد انتى مش حامل رنا: ليه بتقول كده ياحمزه ،انت عارف من بعد الولاده انا ما أستعملتش وسيله بعد هنا يعنى احتمال كبير اكون حامل حمزه: ده كلام سابق لأوانه ،وارجوكى ماتقوليش ليه انى مش عايز ولاد منك عشان دى مش الحقيقه رنا بهدوء: لأ مش هقولك كده ياحمزه .... أقتربت منه رنا ووقفت امامه وقالت : حمزه انت مخبى عليه ايه حمزه وهو يهرب من نظراتها: مش مخبى حاجه يارنا أمسكت رنا برأسه وادارته ناحيتها وقالت : بصى لى فى عينى وقولى انك مش مخبى عليه حاجه نظر لها حمزه قليلاً وقال بهدوء : عايزه تعرفى ايه يا رنا رنا: عايزه اعرف مخبى عنى ايه أبتلع حمزه غصه فى حلقه وقال: وتتحملى رنا وهى تقاوم دموعها لشعورها بأن القادم صعب: هستحمل حمزه : رنا انتى مش هينفع تحملى تانى رنا وهى تسمح لدموعها بالنزول وقالت : ليه ياحمزه ... ليه ياحمزه مش هعرف اخلف تانى ليه سكت حمزه ولم يرد زادت حمزه فى البكاء وهى تتشبث بذراعيه وقالت: قولى ياحمزه انا مش هزعل ... كل حاجه وليها علاج وانت كمان ممكن تسفرنى بره لو حالتى خطيره صح ... صح ياحمزه هتسفرنى صح ( الفصل التاسع والعشرون) حمزه : افهمى ،افهمى يارنا الدكتوره بعد الولاده شالتلك الرحم.... شهقت رنا وقالت: لأ .... لأ أمسكها حمزه من رأسها وقال لها : هشششش ،بسسسس أهدى نفضت رنا يدى حمزه بعنــ,,ـــــف وقالت بصريخ : أهدى .... أهدى أزاى ،الى انت بتقوله ده كدب ،كدب ... ثم نظرت له وقالت بخفوت : كدب ياحمزه صح أطرق حمزه برأسه ولم يرد عليها رنا بصريخ: رد عليه ،كدب .... صح حمزه بهدوء: لأ مش كدب يا رنا سكتت رنا قليلاً ثم جلست بوهن على الاريكه خلفها وقالت وكأنها تحدث نفسها: ليه ... ليه انا ، ليه انا الى مكتوب عليه دايماً ما أفرحش ،طول عمرى كان نفسى فى عيله كبيره ولاد وبنات كتار اعوض بيهم وحدتى الى عشتها طول عمرى ... حلمت بولاد يكون جمبى لما أكبر ،حلمت بعيله تحبنى وأحبها وكله .... كله رااااح ياحمزه جلس حمزه على ركبتيه امام رنا على الاريكه وقال : رنا ،ماتعمليش فى نفسك كده رنا بدموع : ليه سبتهم يعملوا فيه كده ياحمزه ،ليه خلتهم يشيلوا حته منى ويدفــ,,ـــــنوها مع بنتى حمزه : مكنش ينفع اقول لأ فهتفت بغضب : ليه ،ماينفعش ليه ... ايه الى يخليه ماينفعش حمزه: ماينفعش عشان كنت هتمــ,,ـــــوتى فقالت بوجع : ما انا مت ،هو انا كده عايشه أمسك حمزه بجانبى رأسها وقال لها : ماتقوليش كده يارنا ، انتى عايشه وبنتنا بخير يبقى مش مهم أى حاجه ف الدنيا تانيه رنا وهى تنتــ,,ـــــحب: حتى لو مش هعرف اخلف تانى حمزه: وايه يعنى ،احنا الحمد لله عندنا هنا بالدنيا كلها رنا : والولد حمزه: ياستى انا مش فارق معايه لا ولد ولا بنت ،كل الى فارق معايه انتى يارنا ... انك بخير أدامى دلوقتى أحسن عندى من ميت ولد وبنت رنا وهى تسند رأسها للخلف : انا تعبااااانه أوى قام حمزه من على الارض ورفعها من على الاريكه فوضعت رأسها على صدره ،حملها وسار بها الى غرفة نومهم ووضعها على الفراش ودثرها برفق وقبلها من جبينها : نامى شويه ياحبيبتى همست رنا قبل ان تغمض عيونها : هنا ياحمزه حمزه: هششششش، هخلى بالى منها لحد ماترتاحى حمل حمزه هنا من سر,,ـــــيرها رغم انها كانت نائمه ولكنه يعرف انها ان أستيقظت وبكت ستوفظ رنا بالتأكيد وهو لن يخاطر بأيقاظها الآن هو يحتاج لان يصفى زهنه وأيضاً يريدها ان ترتاح قليلاً من التوتر وضع أبنته برفق على الاريكه ونظر لها وأبتسم ،شعر حمزه انه لأول مره ينظر لأبنته وأعترف انها جميله بل جميله جداً ،فتحت الصغيره عيونها وعندما طالعها صورة أبيها أبتسمت له بعذوبه أذابت قلبه فلم يشعر بنفسه الا وهو يبتسم لها بالمقابل ويقول : صباح الخير ................................... تنهد حمزه والقى قلمه على المكتب وخلل أصابعه فى شعره ،اليوم مر أسبوع منذ أن عرفت رنا بموضوع رحمها وهى تلتزم الصمت ،صحيح انه ليس صمتاً بالمعنى المفهوم ولكنها لاتتحدث ألا لو وجه لها الكلام وغير ذلك تظل صامته بنظرات حزينه أصبحت لا تفارقها والذى زاد قلقه تشبثها المرضى بأبنته حتى وهى نائمه فمنذ هذا اليوم وهى لاتفارقها مستيقظه او نائمه ،حتى سر,,ـــــيرها لم تعد تجعلها تنام فيه بل أصرت على ان تنام بجانبها كل ذلك ليس شئ بجانب طلبها الغريب اليوم بأن تسافر للأسكندريه بحجة ان تكون مع ساره فى ترتيبات الفرح رغم انه ميعاد الفرح بعد آسبوعين من اليوم كان سيرفض طلبها ولكن امام نظرة الأستنجاد التى كانت تناشده بها ليوافق وافق عن مضض وها هو يعانى من أول يوم منذ ان ودعهم اليوم صباحاً بعد أصرارها على ان تذهب مع السائق فأنصاع لطلبها لأنه مقدر رغبتها فى الاختلاء بنفسها قليلاً دخلت دنيا على حمزه وجلست امامه وقالت بهدوء : حمزه حمزه: نعم دنيا : لسه مضايق حمزه: اوى ،مضايق اوى يادنيا دنيا: طب سبتها تسافر ليه مدام مش قادر على بعدها حمزه: قلت يمكن لما تبعد تهدى شويه ونفسيتها ترتاح دنيا: معلش ياحمزه ،أديلها وقت صدقنى أكتر حاجه بت. الست فى أنوثتها هى انها تحس انها ماينفعش تبقى أم حمزه: بس هى أ.. قبل ان يكمل جملته انتبه حمزه ان دنيا تحكى عن نفسها وليس عن رنا فقال : هو انتى زعلانه عشان ربنا ما أردش تكونى أم يادنيا أستعادت دنيا نفسها وقالت بثقه : احنا مش بنتكلم عنى حمزه: حاستك للحظه بتتكلم عنك مش عن رنا قامت رنا وقالت بعمليه : أمضى الورق الى قدامك عشان ألحق الحسابات قالت ذلك واتجهت الى الباب الذى فتح قبل ان تخرج دنيا ودخلت أحلام بهيئتها الجميله المبهره هتف دنيا بغضب : انتى ايه الى جابك لم تعيرها احلام أهتمام ودخلت متقدمه بأتجاه مكتب حمزه وقالت بصوتها المبحوح المغرى : حمزه دنيا: تعالى هنا انا مش بكلمك تدخل حمزه قائلاً : دنيا ،سبينا لوحدنا فتحت دنيا فمها لتعترض ولكن حمزه قال محذراً : دنيا .... خلااااص دنيا: والله ،انت حر ياحمزه خرجت دنيا وأغلقت الباب خلفها بعنــ,,ـــــف التفت حمزه الى احلام وقال ببرود: ايه الى جابك يا احلام تفاجئت احلام من لهجة حمزه البارده لذلك حشدت أسلحتها وقالت بصوت منخفض: بئالك أسبوع مش بتكلمنى ياحمزه ولا بترد على رسايلى لا على الموبيل ولا على الواتس ،عايزه اعرف ليه .. عملت لك ايه ضايقك بس حمزه: ماعملتيش احلام: امال ايه بتعذبنى ليه معاك ،هو ذنبى انى بقيت مابقدرش استغنى عنك حمزه بنفاذ صبر : أحلام ،ممكن تخرجى دلوقتى انا بجد دماغى مش رايقه ومودى وحش اوى ومش رايق لكلامك ده سكتت أحلام وعلمت انها لو ضغطت أكثر على حمزه ستخسره ،فهى أصبحت تعرف طباعه وتعرف متى تتقدم اليه ومتى تبتعد فقالت بهدوء وبصوت أضفت عليه حزن زائف وقالت: حاضر ياحبيبى ،هسيبك عشان مش عايزه أضغط عليك بس خليك متأكد انى دايماً مستعد اسمعك كصديقه حتى على الأقل وهفضل مستنياك لحد ماتعدى ظروفك كلها وترجع تكلمنى حمزه: ماشى يا احلام ياله روحى بئه أحلام بدموع زائفه : هستناك ياحمزه بس بليز ابئه طمنى عليك ماتسبنيش للقلق حمزه : ماشى يا احلام ... ماشى خرجت أحلام من المكتب وهى مغتازظه من ان زيارتها لم تجدى بفائده ....................................... وصلت رنا وأبنتها الى بيت والدها وأستقبلتها ساره بفرح شديد : رنا ،انا مبسوطه اوى انك جيتى أبتسمت رنا بوهن وقالت : وانا كمان مبسوطه انى جيت سلمت رنا على زوجة أبيها كالعاده سلام بارد لاهو عدائى ولا هو سلام يدل على أشتياق صادق جلست رنا مع ساره وتحدثوا عن الفرح وترتيبات العرس وحدثتها ساره عن شقتها وماينقصها ،شعرت رنا ان اللحظات التى قضتها مع ساره أثقلت كاهلها فهى مضطره ان ترسم البسمه على وجهها وتشارك ساره فرحتها ولكن قلبها ينزف ومن داخلها تريد ان تصرخ وصل رامى فى آخر النهار وفرح كثيراً بوجود رنا وأبنتها التى حملها وأثنى على جمالها بعد العشاء صعدت ساره الى شقتها وأستئذنت زوجة والدها بأن تخلد للنوم وتبقى رنا ورامى الذى بادرها سائلاً : مالك يارنا ؟! نظرت له رنا وتنهدت تنهيده طويله رامى : ياااه كل ده ،طب هقولك انتى تخشى تنيمى القمر حبيبة خالها دى فى السر,,ـــــير وتستنينى فى البلكونه وانا هعمل شاى بالنعناع زى الى كنت بعملهولك زمان وتحكى لى على الى مضايقك رنا: ماشى بعد قليل جلست رنا مع رامى بعدما قصت عليه ما يؤرقها كله رامى : رنا قولى ورايه ( ان لله وان اليه راجعون اللهم اجرنى فى مصيبتى واخلفنى خيراً منها ) رددت رنا ورائه رامى: رنا ياحبيبتى الى حصلك ده قضاء ربنا وانتى مؤمنه بالله فلازم ترضى بقضائه ودايماً خليكى حاطه فى دماغك ان ربنا بيشيل عنك أذى كبير كان ممكن يحصلك وهو حماكى منه رنا: بس انت متخيل ياآبيه ،انا كده مش هينفع اخلف تانى ... خلاص مش هينفع اجيب اخ او اخت لهنا رامى: بس الحمد لله ربنا قبل ما ياخد امانته سابلك هنا ... اجمل هديه فى الدنيا ركزى عليها وربيها تربيه صحيحه وادعى ربنا يحفظهالك من كل شر رنا: يا آبيه انا بقيت احس انى بقيت علطول خايفه ،خايفه اوى على هنا ومرعوبه من فكرة ان حمزه ممكن يشوفنى فى عينه ست مش كامله رامى: مش الولاد هما الى يخلوكى ست ناقصه او كامله ... هنا وأشار الى عقلها وقال : هنا هو الى يخليكى ست كامله او ناقصه يا رنا رنا: خايفه اوى ،لو حمزه سابنى او فكر يتجوز عليه انا ممكن امــ,,ـــــوت أمسك رامى بيديها وربت عليها برفق : رنا انا شايفه ان تعلقك بحمزه بئه تعليق شبه مرضى ،ماينفعش كده يا حبيبتى انتى لازم يكون ليكى كيانك وتعرفى ان حياتى مش متوقفه على حد غير على نفسك بس يا رنا رنا: انا بحبه ياآبيه رامى: عارف ياحبيبتى بس ماتخليش حرمانك من حاجات كتير فى حياتك قبله يخليكى تتعلقى بيه بالشكل ده رنا: انت مش فاهم ،حمزه عيشنى مشاعر وأحساسيس عمرى ماحستها ،حنين اوى معايه حنيه ماكنت بشوفها من حد قبله رامى : رنا ياحبيبتى انتى تستاهلى كل الحب الى ف الدنيا واحنا كلنا غلطنا معاكى وحرمناكى منه رنا: ماتقولش كده يا آبيه،انت عمرك ماقصرت معايه ،انت كنت مستعد تقطع حته منك وتديهالى .. بس غصب عنك كنت علطول مش موجود رامى: عارف ،ساعات بقول يمكن كان احسنلك لو وديتك لجدك ف البلدتعيشى معاهم أمسكت رنا بيديه بشده: لو رجع بيه الزمان وخيرونى ،هختار الوقت القلييل الى عيشته معاك عن كل الوقت الى كان ممكن أعيشه مع جدى ......................... فتحت رنا باب منزلها بهدوء ودخلت ووضعت أبنتها فى سر,,ـــــيرها وسارت بهدوء الى غرفة جوزها دخلت رنا بهدوء على حمزه فوجدته نائم ويضع ذراعه على عينه جلست رنا بجانبه بهدوء وقبلت ذراعه برفق ،فأنتفض فى نومه وقام حمزه: رنا أبتسمت رنا وقالت: آسفه خضيتك حمزه: انتى جيتى ازاى رنا: خليت آبيه رامى ركبنى السوبر جيت وقبل ان يتكلم وضعت رنا أصبعها على شفتيه وقالت : عارف انى غلط لما ركبت الاتوبيس ومكلمتكش تبعتى لى السواق ،بس صدقنى انا مقدرتش فجأه حسيت انى بتخنق لمجرد انى حاسه انى بتنفس غير الهوا الى انت بتنفسه ،مقدرتش انت تبقى فى بلد وانا ف بلد محستش بنفسى الا وانا بلبس وبقوله يوصلنى للمحطه وصممت عليه مايركبش معايه كنت عايزه اجيلك بأسرع وقت وأقولك خدنى فى حــ,,ـــــضنك. ياحمزه رفعت رنا أصبعها من على شفتيها وقالت : هتاخدنى فى حــ,,ـــــضنك دون تفكير فتح لها ذراعيه وأحتضنها بشده وكأنه هو المحتاج لهذا التقارب وليس هنا من طلبته شعر حمزه برطوبه على ملابسه فعلم انها تبكى ولكنه لم يوقفها تركها تخرج كل ما ف صدرها بعد قليل قالت رنا ببكاء: سا محنى ياحمزه حمزه : هشششش،خلاص مش زعلان بس ماتتكررهاش تانى رنا: انا مش بقولك سامحنى عشان كده أبعدها حمزه قليلاً عن صدره وقال: امال اسامحك على ايه رنا: سامحنى عشان انا أنانيه وبحبك اوى حمزه: ليه بتقولى كده ،مش معنى انك بتتحبنى تبقى انانيه رنا: لأ انانيه ... أنانيه عشان مش هقدر أقولك طلقنى ولا هقدر أقولك اتجوز عشان الخلفه لانى لاهستحمل أبعد عنك ولا تشاركنى فيك واحده تانيه ......... (الفصل الثلاثون ) الجزء الاول رنا: لأ انانيه ... انانيه عشان مش هقدر اقولك طلقنى ولا هقدر أقولك أتجوز عشان تخلف لانى ببساطه لاهستحمل أبعد عنك ولا هستحمل تشاركنى فيك واحده تانيه أبتسم حمزه وقال: والله انتى عبيطه ، انتى مش شايفانى متعلق اوى بالولاد لدرجة انى أفكر فى اى حل من الحلول دى رنا: بس مامتك حمزه: سيبى ماما عليه وانا هوعدك انها عمرها ماهضايقك رنا بخوف: هتقولها حمزه: هو انت خايفه كده ليه ،يابنتى دى حاجه مش بأيدك واكيد امى مش بالسوء لدرجة انها تعايرك بحاجه ملكيش ذنب فيها رنا:........ حمزه: هى من يوم ولادتك قالت لك حاجه عن موضوع البنات ولا اى حاجه رنا: لأ خالص ،دى حته مبسوطه اوى بهنا وبتحبها اوى حمزه: شفتى ،هما كلمتين قالتهم بس كانوا من منطلق الى اتعودنا عليه الولد وابن البكرى والى بيشيل اسمه ... يعنى الكلام الخايب الى اتربينا عليه رنا: مش عارفه ياحمزه ،مش عارفه حمزه: ممكن ماتفكريش وتنسى الكلام الخايب ده وتمحيه من دماغك خالص ... ها ممكن رنا: حاضر حمزه: حضرلك الخير ، امال هنا فين رنا: نايمه فى الأوضه التانيه حمزه وهو يغمزلها : طب بقولك ايه ماتيجى نمثل فيلم اهمد ياحمزه ضحكت رنا برقه وقالت: والله انت رايق ياحمزه حمزه: وما اروقش ليه ياختى ،مراتى وبنتى جم م السفر عشان خاطر مش قادرين على بعدى يبقى اروق ولا ما أروقش رنا: أتعشيت ولا أحضرلك العشا حمزه مجعداً أنفه: أومهاتى اوى الجمله دى ........................ بعد أسبوعين وقف حمزه امام المرآه يعدل من رابطة عنقه ورنا خلفه تساعده على ارتداء سترتة بدلته السوداء حمزه: برضو مغيرتيش رأيك وهتيجى معايه رنا: مانت عارف ياحمزه ،هسيب هنا ازاى التفت حمزه لها وأمسك بذراعيها وقال: رنا ، انتى عارفه ان ماما عرضت انها تيجى تقعد بيها انتى الى رفضتى رنا: معلش ياحمزه انا مش هبقى مطمنه حمزه باستنكار: مش هتكونى مطمنه عليها مع امى ،ليه هتاكلها رنا: مش قصدى ،بس انا مش بحب اغيب عنها حمزه: على فكره دى حجه ،انتى مش عايزه تروحى رنا: بصراحه اه ،انت عارف ان جو الحفلات ده مش بيعجبنى حمزه: بس دى مش اى حفله ،سيف عامل الحفله دى مخصوص بمناسبة اننا خلصنا المشروع بتاعنا سوا ،فالطبيعى انك تكونى معايه رنا: انت قلت لى قبل كده مش هغصبك على حضور الحفلات حمزه: بس المره دى مختلفه ،دى حفله خاصه بيه انا رنا: روح انت وانا هستناك... انا لا بحب الحفلات ولا بلاقى نفسى فى وسط المجتمع بتاعكم ده حمزه باستنكار: مجتمع بتاعنا ، بتاع مين؟! ، هو انا من مجتمع وانت من مجتمع.... زفر وقال : نفسى يبقى عندك ثقه فى نفسك وتبطلى تقللى منها كده رنا وهى تخفض رأسها بأسى : لو كان عندى ثقه فى نفسى زمان ولو قليله ،دلوقتى بعد الى حصل بقيت زيرو هتف حمزه بغضب: أيه الى حصل ؟! رنا: انت عارف حمزه: على فكره انا ابتديت أزهق ،انا بقيت حاسس انى طول الوقت بحاول اثبتلك ان الموضوع مش فارق معايه وانتى مصره تفكرينى وتفكرى نفسك وتحطى تخيلات فى دماغك وتزعلى رنا: انا ياحمزه .. حمزه بغضب: بلا حمزه بلا زفت ، انا زهقتتت سحب حمزه مفاتيحه وهاتفه وخرج من الغرفه ومن الشقه كلها صافقاً الباب خلفه ،لتنهار رنا بعدها باكيه على سر,,ـــــيرها ...................... وصل حمزه الحفل وهناك قابل سيف بجانبه زوجته الجميله ديما ديما/: استاذ حمزه ،امال فين رنا حمزه: معلش هى مع البنت وماعرفتش تسيبها ديما: ربنا يخليهالكوا ،بلغها انى هزورها قريب عشان اشوف النونو واطمن عليها حمزه: اكيد تشرفينا فى اى وقت أستئذن منهم حمزه وسار بأتجاه بعض رجال الاعمال وتناقشوا فى المشروع القائم حالياً وفجأه اتجهت جميع الأنظار الى مدخل القاعه لتدخل أحلام بهيئتها الجميله لتتعلق بها عيون الموجودين نساءاً ورجال ( كان احلام ترتدى فستان من اللون الذهبى انساب على جسدها الذى اكتسب اللون البرونزى كجلد ثانى. ، الفستان كان عادياً وليس فيه اى شئ ملفت ،فستان طويل من اللون الذهبى بحملات رقيه على الكتفين وضيق من الصدر الى منطقة الخصر ليتسع تدريجياً الى الاسفل حتى يتسع فى الاسفل كذيل سمكه ليسمح لها بالحركه ،سرحت شعرها لينسدل على جانب واحد من كتفيها واستخدام مكياج رقيق يكاد لا يرى ولكنه يضفى عليها سحراً رائعاً ) تحركت قليلاً لينكشف ظهر الفستان الذى كان عباره عن سلاسل ذهبيه من بدايه الكتف الايمن الى الايسر على طول الظهر الى آخر ظهرها كان العيون كلها متعلقه بأحلام منذ دخولها ولكن عيونها لم ترصد احد سوا حمزه ،ركزت نظرها عليه وسارت تختال بمشيتها الى ان توقفت امامه مباشرة لا يفصل بينهم سوا أنش واحد وقالت بصوتها المبحوح المميز: هاااى أبتلع حمزه ريقه وقال بصوت حاول ان يكون متماسك : أزيك يا أحلام أبتسمت أحلام ابتسامه صغيره ،ابتسامة ثقه نابعه من معرفتها انها أثرت بحمزه وقالت : وحشتنى ياحمزه حمزه : انتى جيتى ازاى رفعت أحلام يديها ونفضت غباراً وهمياً عن سترة حمزه وقالت: لما عرفت انك هنا جيت أزاح حمزه يديها برفق من على سترته وقال: كده بكل صراحه رنا: واكدب ليه ، استعملت نفوذى عشان اعرف اجيب دعوه لما عرفت ان الحفله تخصك وضع حمزه احدى يديه فى احدى جيوبه وقال : طب وليه عذبتى نفسك لو كنتى قلت لى كنت بعتلك دعوه احلام: وانت كنت بتكلمنى ولاحتى بترد عليه لما بكلمك حمزه : ماقلت لك انى عندى شوية مشاكل احلام: احترمت مساحتك الى انت عايزها بس مقدرتش امنع نفسى انى آجى انهارده واشوفك ولو من بعيد حمزه متهكماً: للدرجه دى احلام: واكتر ،انت مش عارف انت بالنسبه لى ايه انت.... وقطع جملته صوت جهور يقول : احلام التفتت احلام وحمزه للقادم وأكتشفه انه مراد بطل سباق الرالى وصديق احلام القديم أحلام متفاجئه: مرااد مراد: تعالى معايه احلام: ممكن اعرف انت ايه الى جابك هنا مراد: سيف بعتلى دعوه احلام: بعتلك دعوه عشان الحفله مش عشانى ،اتفضل الحفله قدامك enjoy والتفتت لتعطيه ظهرها ولكنه امسكها من معصمها ليمنعها وقال بغضب : بقولك تعالى معايه وهنا تدخل حمزه وأمسك بيده التى تمسك بيد احلام وقال. : هو انت مش شايفها واقفه معايه مراد بسخريه: لا والله مش واخد بالى أخفض حمزه يده التى كانت تحاول منع مراد ،ثم أخذ نفساً عميقاً وقال بهدوء : طيب بما انك مش واخد بالك ، يمكن دى تخلييك تفهم... وقبل ان يفهم مراد كان حمزه قد أعطاه لكمه فى أنفه سقط مراد على أثرها فى الارض رغم ان مراد ذو بنيه قويه جداً تفوق حمزه بكثير ولكن عامل المفاجأه ساعد حمزه فى ان يسقطه أرضاً وقف حمزه بعدما سقط مراد وأشرف عليه من أعلى وقال وهو يسحب أحلام من يديها : لو قربتلها تانى ،هخليك ماتعرفش تسوق عجله مش تبقى بطل سباق سحب حمزه أحلام من يديها وخرج من الحفله ولم يأبهى بنداء دنيا ولا سيف الذى حاول اللحاق به خرج حمزه من باب الفندق وعندما رآه الحارس أحضر له سيارته على الفور ، سأل الحارس بعدما أحضر سيارة حمزه: أجيب عربية الهانم يابيه حمزه: لأ ،هات المفاتيح وبكره هبعت خد ياخدها وانقده مبلغ محترم جعله يقول: ماتخافش ياباشا العربيه فى عنيه ولا تقلق عليها .......................... يتبع الحلقه الثلاثون ( الجزء الثانى ) ركبت أحلام بجانب حمزه فى سيارته وكان الصمت ثالثهم ،لم تتحدث احلام ولم تخترق الصمت الذى احاط حمزه به الجو فبداخلها شعور بالسعاده والرضا لما حققته حتى الآن بعد قليل قالت أحلام بصوت منخفض:حمزه حمزه وهو ينظر امامه وا ينظر لها ويضغط على المقود : ايه الى بينك وبينه احلام: مين ،تقصد مراد ضــ,,ـــــرب حمزه المقود وقال: اه ،زقت ... ايه الى بينك وبينه بئه احلام: مفيش أوقف حمزه السياره بشده مما تسبب فى صوت عالى أثر احتكاك الاطارات فى الاسفلت وقال بغضب: احلام بطلى كدب وقولى لى عشان هتشوفى منى وش والله هتندمى انك اضطريتى تشوفيه احلام بخوف مصطنع : حاضر ،بس ممكن نطلع عندى ونتكلم عشان نتكلم بحريتنا وانا هحكيلك على كل حاجه رفع حمزه احد حاجبيه بسخريه وقال: والله احلام: في ايه ياحمزه ،انت خايف ولا ايه حمزه مستنكراً: اخاف ،اخاف من ايه وليه احلام وهى تعتدل وتنظر أمامها : خلاص اطلع وانا هوصفلك العنوان أنطلق حمزه على وصف أحلام حتى وصل الى مبنى فى حى راقى وصف سيارته وخرج معها الى شقتها دخلت احلام اولاًوقالت : خش ياحمزه دخل حمزه وهو ينظر الى الشقه الصغيره التى تتميز ببساطتها وفى نفس الوقت بأناقتها تماماً كصاحبتها أصطحبتوه احلام الى غرفه صغيره بها عدد من الوسادات المصفوفه على الارض بما يسمى الجلسه العربيه وطاوله منخفضه وشاشة تلفاز كبيره معلقه على الحائط حمزه: انا عامل اوضه زى دى بالظبط احلام: فى بيتك سكت حمزه قليلاً وتذكر ان الغرفه التى تشبهه فى بيته فى أسيوط ولكنه قال: اه احلام: انا برتاح هنا جداً اكتر من اى مكان جلس حمزه على احد الوسائد وقال: فعلاً هى مريحه احلام: طيب تشرب ايه حمزه بضيق: احلام انا مش جاى اضايف احلام: قهوه؟ حمزه: عايزه تفهمينى انك بتعرفى تعملى قهوه ضحكت احلام برقه وقالت: تؤ ،هعملك امريكن كوفى عندى الماكنه حمزه: طيب بس بسرعه احلام: هعملك القهوه وهغير واجيلك سألها حمزه بتوجس: وتغيرى ليه احلام ببساطه وهى توليه ظهرها: عشان مش هعرف اقعد بالفستان خرجت احلام وعادت بعد قليل بالقهوه وبدلت ملابسها ،كان حمزه يعتقد ان احلام ستبدل ملابسها لملابس فاضحه تكشف اكثر ماتستر ولكن خالفت التوقعات وارتدت بنطلون أسود قصير وضيق وعليه تى شيرت من اللون الابيض مخطط بالالوان الاحمر والاسود ورفع شعرها فى ذيل حصان رقيق تعجب حمزه من هيئتها التى كانت من المفترض ان تكون عاديه ولكن مع احلام الوضع مختلف فقد كانت احلام ببساطه رائعه ومغريه رغم حشمة ملابسها جلست احلام بجانب حمزه بعدما ناولته القهوه وقالت: معلش عارف انك ملكش تقال على الامريكن كوفى اوى بس معنديش غيرها رفع حمزه الفنجان بعدما ارتشف منه قليلاً وقال : شغال مفيش مشكله سكتت احلام قليلاً وقالت: انا ومراد اصحاب وبس حمزه: مش طريقة واحد كل الى بينك وبينه صداقه بريئه احلام: هو بيحبنى حمزه: وانتى ؟! نظرت له وقالت: مش هرد عليك .... بس هحكيلك انا ومراد اتعرفنا فى النادى وكنا شلة صحاب كتير يعنى مش انا وهو بس شله كبيره ولاد وبنات ولما شفتنى ف شرم كان معانا صحابنا حمزه: انا شفتك معاه لوحدك احلام: اليوم ده انا كنت تعبانه وهما كانوا خارجين وانا مكنتش عايزه اخرج بره الفندق فقلت هتغدى فى الفندق وهو عرض يتغدى معايه وانا وافقت لانى كنت فاكره اننا صحاب وبس حمزه: وبعدها احلام: قالى انه بيحبنى ..... وانا ببساطه عرفته انى مش شايفاه اكتر من صديق ومن يومها قطعت علاقتى بيه لان مكنش ينفع ببساطه نرجع صحاب تانى حمزه: بس واضح ان علاقتكم لسه موجوده بدليل انه جه وراكى انهارده احلام: من يوم شرم وهو بيتابعنى فى كل مكان ،بلاقيه فى كل حته بروحها لدرجة انى حسيت انه مركبلى جهاز تتبع وكل ما يشوفنى يعملى مشكله حمزه: وماقلت ليش ليه احلام: اقولك ازاى ياحمزه ،الاول كنا بنتكلم اصحاب وكنت ببقى مبسوطه بالوقت الصغير الى بنتكلم فيه فمكنش ينفع انى اعكر الوقت ده بسيرة مراد او غيره ،وبعدها انت بعدت ومافهمتش ليه ... تفتكر كان ممكن الجأ لك واحكيلك وقتها ،مكنتش هتقول عليه انى بعمل تمثيليه عليك حمزه :........... احلام: ماتشغلش بالك بمراد انا هعرف اتصرف معاه أمسكها حمزه من ذراعيها بعنــ,,ـــــف وقال: انتى مش هتتتصرفى مع حد وملكيش دعوه خالص بالموضوع ده انا هتصرف فيه ،ممكن احلام: ممكن ترك حمزه ذراعها فاقتربت احلام منه ووضعت يديها على صدره ورفعت عيونها الجميله له وقالت : حمزه ،انا عمرى ماحبيت غيرك ، وعارفه انك ممكن تكون شايفنى واحده منحله علاقاتها كتير بس صدقنى انا مش كده ،انا لما عرفت عمار كنتى لسه راجعه من بره وهناك كان عادى جداً ان البنت لما تحب واحد تتنقل تعيش معاه من غير جواز ولا اى ارتباط بينهم مجرد بس انهم بيحبوا بعض ،عشان كده لما حبيت عمار او بمعنى اصح اتهبألى انى بحبه مافكرتش ورحت عيشت معاه بس الى اكتشفته بعدها انه كان متجوز وانه بيضحك عليه وانت عارف ايه الى حصل بعدها وخلانى اضطر اتجوزوا حمزه: واطلقتوا ،ايه الى خلاكى رجعتيله تانى احلام: اطلقنا بس نسيت تقول بعدها عرفتك وحبيتك وعرفت معاك معنى الحب الحقيقى بجد واكتشفت ان عمار ده عمره ماكان حب حمزه: عشان كده رجعتنى تانى تتجوزيه احلام: هددنى ، قالى هيدمرك حمزه: والمفروض اصدق انك خفتى علييه وعشان كده رحتى تتجوزيه احلام: لازم تصدق عشان دى الحقيقه ياحمزه ، والله هى دى الحقيقه انا خفت عليك انت كنت وقتها كنت لسه بتبنى نفسك وبتعمل اسم لنفسك فى وسط حيتان السوق مكنش ينفع اهدم كله ده ،انت عارف ان عمار كان وقتها يقدر يدمرك حمزه: ولا كان يقدر احلام: لأ كان يقدر وانت عارف ،وقبل ماتسألنى ليه ماقلت لكش عشان عارفه انك كنت هتتمسك بيه وهتقف قدامه وساعتها كنت هتخسر كل حاجه وهتكرهنى حمزه : ......... احلام: حمزه عمار مش زى مراد ،لما قلت لى سبيلى مراد انا عارفه ومتأكده انك هتقدر عليه وهو مش هيقدر يأذيك لكن عمار صدقنى كان يقدر يعمل كتير سكت حمزه قليلاً ونظر الى احلام التى كانت قريبه منه ويديها التى على صدره ،شعر بنفسه يضعف لذلك رفع يديها بهدوء وقال بصوت اجش: انا لازم امشى ،الوقت اتأخر لم يمهلها فرصه للرد وسحب سترته التى خلعها وارتداها على عجل وكأن شياطين الدنيا تلاحقه لم تقترب احلام من حمزه لانها تعلم ان اى اقتراب سيقابل برفض قاسى من الممكن ان يهد ماتوصلت اليه للآن من انتصار ،لذلك اكتفت بغنيمتها التى حصلت عليها حتى الآن وأبتعدت أبتعد حمزه بأتجاه الباب ولكن قبل ان يخرج أستوقفته احلام قائله : هتكلمنى ياحمزه سكت حمزه لم يرد ولم يتحرك وايضاً لم يلتفت لها ،أستغلت احلام تردده وقالت : انا مش عايزه اكتر من اننا نرجع زى ماكنا قبل شهر ،تكلمنى مره ف اليوم وبليل عشر دقايق على الفيس بس التفت لها حمزه وقال : بس يا احلام احلام: بس ياحمزه ،مش هعدى حدودى الى لو انت الى طلبت منى انى اعديها غير كده هفضل ملتزمه بمساحتى الصغيره فى حياتك وانا راضيه ومبسوطه تنهد حمزه وقال: ماشى يا احلام .... تصبحى على خير وخرج واغلق الباب خلفه لتقفز احلام فرحاً وتقول: ياسلام عليكى يالومى ياجاااااااامد ........................................ وصل حمزه الى منزله ودخل بهدوء فوجد رنا نائمه على الأريكه وابنته أيضاً نائمه فى سر,,ـــــيرها الهزاز تقدم حمزه بهدوء وجلس على ركبتيه امام زىوجته الراقده ووضع يديه برفق على كتفيها وقال: رنا.... رنا فتحت رنا عيونها وأعتدلت بسرعه وقالت: حمزه انت جيت امتى ماحستش بيك قام حمزه من على الأرض وجلس بجانبها وأمسك بيديها وقال : مالك اتخضيتى كده ليه ،انا لسه داخل رفعت رنا شعرها الذى انسدل على وجهها من النوم وقالت: انا كنت بنيم هنا وماحستش بنفسى حمزه: مفيش مشكله ياحبيبى ،قومى نامى ونيمى هنا مكانها رنا: احضرلك العشا حمزه: اه ،كلت فى الحفله قال ذلك وقام من جانبها وسار الى غرفته ولكن رنا أستوقفته قائله : الحفله كانت حلوه التفت حمزه الى زوجته وأمعن النظر فيها من شعرها الذى تشعث بفعل النوم ومروراً بوجهها الخالى كعادتها من مساحيق التجميل الى لباسها الذى كان عباره عن جلباب بسيط طويل باكمام واسعه .... هى جميله نعم جميله بطريقتها بهالة البراءه التى تحيط بها ولا تحيط بأى مرآه سواها ولجملها البريئ أغراء ووجد نفسه يقارن بين أغرائها التلقائى وأغراء أحلام بأنوثته المتفجره التى كل جزء من جسدها ينطق بالاغراء حتى وان كان مغطى يقطعه من الخيش انتبه حمزه ان رنا تنتظر اجابته فقال: اه كانت حلوه كان سيلتفت ولكنه وجد نفسه يسأل رنا قائلاً: رنا هو انتى ليه مش بتحطى مكياج وضعت رنا يديها على وجهها وقالت: مش بحبه وبعدين انت مش هتضايق لو حطيت مكياج حمزه: اكيد لو حطيتى ليه فى البيت هنا مش هكون مضايق رنا: ايوه بس... وقبل ان تكمل قاطعها بسؤال آخر : وبعدين القمصان الى جبتيهم قبل الجواز مع دنيا ماتلبسهمش ليه ليه دايما يالبسه جلبيه او بيجامه ولما بتحنى عليه وبتلبسى قميص بيبقى طويل ومقفل فغرت رنا فاها للهجوم الغير مفهوم سببه وقبل ان تجد الرد كان قد أختفى من امامها ودخل الى غرفته ( وهذا هو الرجل دائماً يبحث عن نواقص زوجته ليبرر خيانته وينسى انه نفسه ليس كامل وان الكمال لله وحده ) #أنت دائى ودوائى #امانى الياسمين ( الحلقه الواحده والثلاثون ) أجفلت رنا من كلمات حمزه القاسيه، حملت ابنتها النائمه ودخلت خلفه الغرفه فوجدته يغير ملابسه وضعت رنا الصغيره فى الفراش والتفتت له وقالت بهدوء : انت عارف ان فرح رامى آخر الأسبوع حمزه: اه رنا: هتيجى معايه ولا هروح مع السواق حمزه: طبعا هاجى معاكى رنا: هتبات معايه هناك حمزه بأستنكار: نبات،وايه لازمته البيات رنا: مهو يوم الحنه ويوم الفرح ويوم للصباحيه عشان نباركله حمزه بحزم: رنا احنا هنسافر يوم الفرح الى هو الجمعه لاحنه ولا صباحيه وبعد الفرح هنرجع رنا: بس ازاى ده اخويه ازاى ماحضرش حنته وازاى ما اروحلوش شقته تانى يوم واباركله حمزه: مش هيحصل حاجه ،وانا شايف ان كل ده ملوش لازمه هنباركله ف الفرح وننقطه كمان هناك رنا بأستنكار: فى الفرح حمزه: اه ف الفرح رنا: هو ينفع ده حمزه وهو يلتفت الى دولابه ويقول مغيراً الموضوع : هو انا المفروض اطلب منك تنقلى لى هدومى الاوضه التانيه بما ان وجودى برا الأوضه من الامور الى بقيت مسلمه بيها رنا: انت الى سبت الأوضه حمزه: وانتى ماحاولتيش تطلبى منى أرجع رنا: حمزه هو انت سبت الأوضه غضضبان ،انت خرجت عشان مش عارف تنام من صوت هنا وانا سبتك لانها بتعيط كتير وهتصحيك وانت بيبقى عندك شغل فقلت انك ترتاح هناك احسن نظر لها حمزه وقال: مين قال ان راحتى لما انام بعيد عنكم رنا: خلاص ارجع حمزه : لما أحس انك عايزانى ارجع مش بتقوليها كده بار وعتب رنا: انت مصدق الى بتقوله ياحمزه ،انت مصدق انى ممكن اكون مرتاحه وانت بعييد عنى حمزه وهو يخرج من الغرفه: انا مبقتش عارف حاجه خالص نادته رنا قبل ان يخرج : حمزه حمزه دون ان يلتفت لها : نعم رنا: مالك ياحمزه ،ايه الى مضايقك حمزه وهو مازال موليه ظهره: مفيش خرج حمزه من الغرفه وذهب الى غرفته وفتح حاسوبه وكالعاده كانت أحلام أون لاين أحلام: حمزه حمزه: احلام احلام: روحت بالسلامه حمزه: اه احلام : طيب ،انا بس كنت بطمن عليك حمزه: اوك ... هبعت حد يجيبلك عربيتك ويجيبهالك على البيت احلام: طب ماتجيبها انت وتطلع نتغدى سوا حمزه: لأ احلام: براحتك ياحمزه بس لو غيرت رأيك كلمنى حمزه: اوك ،تصبحى على خير يا أحلام احلام: تصبح على خير ياحبيبى أغلق حمزه حاسوبه وذهب الى فراشه وفى رأسه الكثير من الأفكار ....................... سافر حمزه ورنا ومعهم أبنتهم الى الأسكندريه ومعهم والدة حمزه التى تفاجئوا بها تخبرهم بسفرها معهم لان والدة رامى اتصلت بها ودعتها للحضور جلست رنا مع الصغيره ف الخلف وجلست زينب مع حمزه فى الامام كان الطريق يسوده الصمت وحمزه متجهم ومرتدياً نظارته الشمسيه ليخفى تعبيراته التى رأتها رنا حتى من حلف نظارته الداكنه أوصلهم حمزه تحت البيت وأبلغها ان سيوصل والدته الى أقاربها الموجودون هنا وسيعود اليها قالت رنا بأرتباك: حمزه ،هو انا ممكن اروح مع ساره الكوافير حمزه: وهنا رنا: هتكون معايه حمزه: طيب بس خلى بالكم على نفسكم رنا: حاضر صعدت رنا الى شقة أخيها وأستقبلتها زوجة ابيها وإخيها رنا: انا هحط الشنطه جوا واطلع لساره تركت رنا أبنتها مع رامى ودخلت الى الغرفه لتتفاجئ بأحد نائم على سر,,ـــــيرها وقبل ان تتعرف على هوية النائم ارتفع صوت ساخر يقول: أغيب سنين وآجى الاقيكى برضو عايزه تاخدى منى الاوضه اجفلت رنا وقالت : آدهم آدهم: اه آدهم ،ايه مش هتسلمى عليه مدت رنا يديها وقالت: حمد لله على السلامه نظر آدهم الى يدرنا وقال: هتسلمى عليه بعد خمس سنين مانشفش بعض بأيدك بس نزلت رنا يديها وقالت : انا .... آدهم: هو انا لازم افكرك انى أخوكى زى رامى والمفروض يعنى انى وحشتك وعلى الاقل أخد حــ,,ـــــضن نظرت له رنا وقالت: حــ,,ـــــضن آدهم: اه وقبل ان تفكر كان يسسحبها ويحــ,,ـــــضنها برفق ويملس على شعرها وبعدها ابعدها عنه وقبلها على جبينها تعجبت رنا من معاملته فآدهم لم يكن ابدا معها ودود والعلاقه بينهم كانت شبه معدومه نظر لها آدهم وقال: انا آسف يارنا رنا برقه: على ايه آدهم: على كل حاجه انا كنت بحملك ذنب مش ذنبك ،حقك عليه أبتسمت رنا وقالت: انا مش زعلانه منك يا آدهم ومقدره انك مكنتش متقبلنى وده عادى ادهم: الى مش عادى بئه انى يكون عندى أخت طيبه كده واكون وحش معاها واضايقها أكيد انا مغفل ضحكت رنا وقالت: ماتقولش على أخويه كده عشان انا برغم كل حاجه انا بحبه اوى ادهم: والله انتى طيبه اوووى يارنا .... ............................... صعدت رنا الى ساره التى كانت غاضبه منها بشده لعدم حضورها يوم أمس رنا: ماخلاص يا ساره بئه ،ماقلت لك حمزه مارضيش اعمل ايه ساره مستنكره: انا عايز اعرف حاجه هو كل حاجه بيقولك عليها حمزه تقولى حاضر رنا: امال اقوله لأ جلست ساره بجانب رنا وقالت : رنا ياحبيبتى كل مره بتقولى فيها حاضر على حاجه انتى من جواكى رفضاها بتكسرى حاجه جواكى ،هتفضلى تقولى حاضر حاضر وتضحى وتتنازلى وتيجى على نفسك لحد ماده يبقى العادى وبعدها لما تيجى تقولى لأ محدش هيفتكر كل الحاضر الى قلتيها هيفتكروا بس اللأ ده لو قدرتى تقوليها أصلاً رنا: انا مقدرش اقول لحمزه لأ ساره: ليه رنا: هيزعل وانا مش بتحمل يزعل منى ساره : طب ماهو بيزعلك عادى ، مش هيحصل حاجه لو زعلتيه انا مابقولش اتخانقى معاه او حتى خلفى اوامره بس على الأقل اتناقشى معاه ، وصل لى وجهة نظرك حتى لو ماخدش بيها بس على الأقل حسسيه ان ليكى رأيى سكتت رنا قليلاً وقالت : سيبك منى مش ياله عشان تروحى الكوافير امسكت ساره بخصلات شعر رنا وقالت: أقولك انتى محتاجه تغيير خارجى ممكن ده يأثر عليكى من جوا رنا: تغيير ازاى ؟! ساره: يعنى ممكن تضــ,,ـــــربى شعرك اصفر رنا: اصفر ساره: اها ،سبيلى نفسك و انا هظبطك بعد قليل كانت تنظر رنا لنفسها فى مرآة الصالون وتنظر الى شعرها الذى أصبح باللون الأشقر وقفت ساره خلفها وقالت: ايوه كده التفت لها رنا وقالت: مش عارفه مستغربه نفسى اوى ساره: اكيد عشان مش متعوده ،بكره تتعودى عليه رنا: تفتكرى هيعجب حمزه ساره : ده هيهبله ، غمز لها وقالت: هتدعيلى رنا : يارب يعجبه ساره: ياله بئه تعالى ساعدينى بئه البس الفستان ... الا قولى لى ماغيرتيش رأيك وتحطى ميكب رنا: لأ حمزه يزعقلى ساره: ماشى يابتاعت حمزه،تعالى ببئه ساعدينى ............................. وصل حمزه ورنا الى منزلهم بعد انتهاء الفرح ودخلوا الى غرفتهم فوضعت رنا هنا النائمه فى الفراش وذهبت بأتجاه التسريحه وفكت طرحتها لتتناثر خصلاتها التى أصبحت شقراء دخل حمزه الى الغرفه بعدها ليتفاجئ بشكل رنا فقال متفاجئاً: ايه ده انتى لونتى شعرك وقفت امامه مرتبكه كالتلميذ المنتظر نتيجة الاختبار وقالت : اه... حلو اقترب منها حمزه وامسك بخصلات شعرها ونثرها على وجهها وقال : مش بطال ، بس شعرك الاول كان أحسن لو كان طــ,,ـــــعنها بسكــ,,ـــــين كان من الممكن ان يكون الألم أهون من كلماته البارده كل الثقه التى ظلت تذرعها فيها ساره عن شكلها الجديد وكيف انه مبهر واصبح اجمل كلها انهارت فى كلمتين قالهم ببرود( مش بطال) خرج حمزه من الغرفه دون ان يعير انتباه لتلك التى تركها مجروحه خلفه ....................... من ذاك اليوم والعلاقه أصبحت فاتره بين حمزه ورنا علاقه رتيبه ليس بها اى حياه ،عباره عن أوامر من حمزه تتلقاها رنا بخنوع وبعض الأثاره تتمثل فى خلافات قليله على نوع الأكل وأماكن بعض اوراقه الهامه وترتيب ملابسه ، حتى علاقتهم الحميميه لم تكن بأحسن حال من حياتهم العاديه ،علاقه فاتره ليس بها اى روح فحين ان علاقة حمزه برنا كانت فاتره كانت علاقته بأحلام بدأت فى الاشتعال ،مكالمات كل يوم بل أصبحت اكثر من مره تواصل على كل مواقع السويشيال ميديا، لأكثر من مره تغدوا سوياً وان كان رفض ان يذهب الى بيتها فكانوا يخرجوا فى اماكن عامه أصبحتم مكالمتهم ورسائلهم اكثر جرأه حتى صور أحلام أصبحت أيضاً اكثر جرأه ،صحيح هى ف الصور لم تكن ترتدى ملابس فاضحه او تكشف عن اى شئ من جسدها بطريقه مبتذله ولكن كانت صورها وكأنها تتحدى اى انثى تخبرها انها أحلى واكثر أغراءاً منها ،فكانت تصب بالأغراء من نظرة عيونها لحركة انفها الدقيق وفمها الشهى وصدرها المنتصب وخصرها الدقيق ............ أستيقظت رنا لتجد ابنتها جالسه على السر,,ـــــير وتحاول ان تمسك بحافته لتقف رنا بابتسامه: صباح الخير على هنون القمر أبتسمت هنا لتظهر سنتان بدأوا يشقوا طريقم فى فمها ليضفى عليها سحر طفولى جميل رنا: صاحيه على النكش ،عايزه تقفى تروحى فين أطلقت الطفله اصواتاً وكأنها تخبرها بمهامها التخريبيه التى تنوى فعلها ،ضحكت رنا وقالت : انتى مش هتبطلى الا لما بابا يطردنا انا وانتى من الشقه سرحت رنا قليلاً لتتذكر كيف أصبح حمزه نزق جداً ودائماً يتذمر من حركات هنا ،فمنذ ان اتمت هنا شهرها العاشر وبدأت تحبو وتمسك بالطاولات والكراسى لتقف ساحبه معها كل شئ على الطاولات من اوراق مهمه وهواتف وأجهزة كمبيوتر محموله وحمزه يصرخ دائماً وهو يقول جمله واحده فقط: رنا تعالى شوفى بنتك وكأن الطفله مادامت تخرب كل شئ فهى اصبحت تابعه لرنا ورنا فقط وضعت رنا الصغيره على الأرض لتبدأ الصغيره بالحبو سريعاً فى ارجاء الشقه وتتجه رنا الى المطبخ لتجهز الفطور لحمزه حضرت رنا الفطور ووضعته على السفره فى الوقت الذى كان فيه حمزه يأخذه حمامه ،بحثت رنا عن طفلتها فلم تجدها ،نادتها ولم تأتى فأنطلقت الى غرفة حمزه فهى بالنسبه لهنا غرفة الكنز لان حمزه دائماً يصر على ان يغلقها خلفه ،ولكن الصغيره ما ان تفتح حتى تتهلل اساريرها وتحبو سريعاً الى الغرفه الممنوعه سارت رنا الى الغرفه وبالفعل وجدت الغرفه مفتوحه فمن الواضح ان حمزه قد نسى ان يغلقها ،تأوت رنا وهى تتخيل مافعلته الصغيره بالداخل من كوارث ودعت فى سرها ان تكون كوارثها هذه المره هينه دخلت رنا بهدوء مناديه صغيرتها : هنون ،هنون .... بتعملى ايه؟! التفت الصغيره التى كانت واقفه على أطراف أصابعها مستنده على الطاوله التى يضع عليها حمزه حاسوبه حملت رنا الصغيره بعيداً عن الحاسب التى كانت تضغط على كل أزاره مقلده والدها عندما تراه يعمل عليه وقالت: بابا لو شافك هيمــ,,ـــــوتنا أنزلتها برفق وقالت لها : روحى برا ياله عقبال مارجع كل حاجه مكانها عشان بابى مايزعلش بدأت الطفله فى الحبو خارج الغرفه واتجهت رنا الى الكمبيوتر لتعيده كما كان ولكن ما ان أقتربت حتى طالعتها نافذه تحتوى على مدــ,,ـــــادثه طويله بين زوجها وأحلام جلست رنا أمام الشاشه كالمغيبه تقرأ المدــ,,ـــــادثه وتشاهد الصور خرج حمزه من الحمام فوجد طفلته فى الصاله تحاول الوصول لأحدى كراسى السفره لتصعد عليه حمزه بصوت حازم: هنا سكنت الصغيره عن حركتها والتفتت له ولكنها أبتسمت له وكأنه تخبره ان يتغاضى عن فعلتها حمزه مبتسماً: ياسلام ، ضحكتى عليه انتى كده .... فين مامتك بئه سايباكى كده أتسعت أبتسامتها وهمهمت بكلام غير مفهوم ،ذهب اليها حمزه وحملها وقبلها وقال: تعالى ندور على ماما دخل حمزه الى غرفته وهو يقول: تعالى شوفى بنتك بزعقلها بت.... بتر حمزه جملته عندما شاهد وجه رنا الشاحب وهى جالسه امام حاسوبه أنزل حمزه هنا الى الأرض وقال: رنا نظرت له رنا وقالت بصوت يكاد يكون غير مسموع : ليييه ؟! #انت دائى ودوائى #امانى الياسمين ( الحلقه الثانية والثلاثون ) رنا بصوت مخنوق: ليييه؟! وقف حمزه امامها بعدما أنزل أبنته على الأرض وقال بهدوء: ليه أيه رنا بدموع وقد تعالت شهقاتها : ليه ياحمزه ،ليه خونتنى ... من أمتى ياحمزه ،من أمتى ياحمزه وانت بتخونى ، من امتى وانا نايمه على ودانى ومش حاسه بحاجه ... ها من أمتى جلس حمزه بجانبها وأخذ جاسوبه ووضعه على الطاوله وقال بهدوء: رنا الى شفتيه ده ملوش اى معنى رنا بأستنكار: ايه ؟! ملوش معنى حمزه: اه ملوش معنى ومش خيانه صرخت رنا: امال تسميه ايه ؟ ها تسميه ايه حمزه:معرفش ملوش اسم لانه مش حاجه رنا: يابجاحتك يا أخى حمزه بحزم: رنا ،مش معنى انى واقف بتكلمك معاكى بهدوء انك تعدى حدودك او تتكلمى بطريقه فيها قلة احترام ليه لان ده مش هقبله رنا: والمفروض انى اقبل الخيانه حمزه: تانى هتقولى خيانه صرخت رنا وقالت: امال اسمها ايه لو مكنتش خيانه ، أكملت وهى تشهق : مش دى ،مش دى احلام الى قبلتنا ف الحفله ... انت عارف قالت لى ايه ،عارف سكت حمزه فأسترسلت وقالت: قالت لى انى مش مناسبه اكون مراتك ،قالت لى انك محتاج واحده زيها تفتخر بيها قدام الناس ... هى السبب فى انى مابقتش اروح معاك اى حفله حمزه: لأ مش هى ، انتى السبب ثقتك فى نفسك المهزوزه او بمعنى ادق أنعدام ثقتك فى نفسك هى الى خلاها تتجرأ عليكى رنا: وليه ماتقولش ثقتها فى نفسها الزايده الى جايه طبعاً منك هى الى خلاها تتحسسنى انى أقل منك أمسكها حمزه من ذراعيها وقال بشراسه : هو انا عمرى قللت منك ها.. ردى عليه كام مره اتحالت عليكى تيجى معايه حفله ها كام مره لو كنت مش عايزك معايه او مش حابب وجودك مكنتش هقولك كل مره تعالى معايه ،انا طول الوقت بحاول أزود ثقتك فى نفسك وافهمك اد ايه انتى مقامك عالى واحسن من اى حد وانتى مفيش فايده علطول مهزوزه وثقتك فى نفسك معدومه نظرت له رنا بعجز وقالت: يعنى انا الى غلط انه ياحمزه زفر حمزه وقال: لا انا غلطان ولا انتى غلطانه يارنا ومحصلش غلط من اصله ،كل الى انتى شفتيه كلام ،مجرد كلام وماتعداش مرحلة الكلام ،وربنا يسشهد انى عمرى ماكنت معاها بالمعنى المفهوم للخيانه رنا: يعنى ايه حمزه: يعنى مانمتش معاها يارنا ،فهمتى رنا: هى الخيانه بس نوم ف السراير ياحمزه ، الخيانه فى كل حاجه حمزه بضيق: مابلاش كلام الافلام ده ،مفيش غير معنى واحد للخيانه عندى هو ده الى انا اعرفه ، والى اعرفه انى عمرى مهعمل كده معاكى عشان انا بحبك رنا باستنكار: بتحبنى ؟! حمزه: اه بحبك وبحبك اوى رنا : ازاى بتحبنى وانت بتتكلم بالطريقه دى مع ست تانيه ،ليه انا عشان بحبك بشوفك الراجل الوحيد الى ف الدنيا ،مكتفيه بيك عن كل الرجاله الى ف الدنيا وانت مابتسبش ست الا ماتبص عليها نظر لها حمزه مصعوقاً رنا: ايوه ياحمزه ،اوعى تكون فاكر انى لما بخرج معاك مببقاش شايفه نظراتك للستات ،اوعى تكون فاكر انى مابتوجعش وانا شايفاك بتهزر مع البنت الجرسونه والبنت الممرضه فى المستشفى والعملا الستات الى بتكلمهم ف التليفون .... كل دول كنت بشوفهم وبسكت بوهم نفسى انها مجرد كلام ف الهوا ،ساعات كمان كنت بكدب نفسى بس المره دى انا شفت بعينى ياحمزه، شفت بعينى وضعت رنا يديها الاثنين على وجهها وأجهشت بالبكاء أقترب حمزه من رنا وضمها الى صدره وملس على ظهرها وقال: هشششش، بس يا رنا عشان خاطرى بس والله انا بحبك انتى كل الستات الى ف الدنيا دى كوم وانتى فى مكان تانى خالص ،انت مراتى وحبيبتى وام بنتى وكل حاجه فى حياتى رفعت رنا رأسها وقالت بحــ,,ـــــرقه: كداااب رد حمزه بغضب: رنا ،لآخر مره بقولك الزمى حدودك ،هو انا غلطان يعنى عشان بدادى فيكى مانا ممكن اقولك بكل سهوله اضــ,,ـــــربى دماغك فى اى أتخن حيطه واياكى تيجى جمب حاجتى تانى ولا تفتحى موبايلى او لابى تانى رنا: انا عمرى مافكرت اتجسس عليك ياحمزه حمزه: وانا اصلاً مش هخليكى تعرفى تفتحى حاجه تانى ... حلو كده ،وملكيش دعوه تانى بأى حاجه من حاجتى ،فاهمه ولا مش فاهمه رنا: يعنى هو ده الحل ،دانت حتى مقلتليش دى غلطه ومش هعملها تانى ضــ,,ـــــرب حمزه كفيه الاثنين ببعض وقال: برضو هتقولى خيانه ،بقولك مالمستهاش ،مفيش بنا غير كلام شفتى على الشات وبس .... م الآخر عايزه تصدقى صدقى ... مش عايزه انتى حره رنا: بئه كده ياحمزه حمزه: اه كده سكتت رنا قليلاً وقالت: انا راجعه أسكندريه عند أهلى ياحمزه حمزه: براحتك يا رنا ،عايزه ترجعى ارجعى ،بس اعملى حسابك انا لا هروح أجيبك ولا هسمحلك بعد ماتخرجى من البيت انك ترجعى تانى رنا:ايه؟! حمزه: اه ،هو كده ... احنا عندنا الست بتسيب بيتها فى حاله واحده بس وانتى عارفاها غير كده ده بيتك ولو خرجتى منه بغير رضايه انا مش همنعك ولا هقولك لأ ،بس فى نفس الوقت مش هسمحلك ترجعى تانى هنا رنا : ......... حمزه: لو عايزه نبعد عن بعض يومين انا ممكن أمشى انا رنا: اه طبعاً عشان تروحلها حمزه بغضب: طبعاً مش هروحلها وقلت لك العلاقه بينا مجرد كلام وبس رنا : امال هتروح فين ،هتروح لمامتك عشان تقول طردتك من البيت ضحك حمزه وجلس بجانبها وقال بهدوء: لا انا هخرج من البيت ولا انتى ... الشيطان هو الى هيخرج رنا: مش فاهمه قبلها حمزه على جبينها وقال : محدش هيمشى عشان ده بيتنا ، بيت رنا وحمزه ومعاهم هنا الى بالمناسبه مختفيه من شويه وشكلها كده بتعمل كارثه عندما قال ذلك انتفضت رنا بسرعه وخرجت من الغرفه بحثاً عن أبنتها ................ خرج حمزه من منزله ولكنه هاتف أحلام قبل ان يتجه لعمله أحلام بصوت نأعس: الو حمزه: ايوه يا احلام احلام: ايه يابيبى شايفنى فى الحلم ولا ايه ضحك حمزه بسخريه وقال: باين كده،ممكن تفوقى عايزك ف موضوع احلام بعدما انتبهت لصوت حمزه الجاد: فى ايه ياحمژه حمزه: قابلينى كام ساعه فى كافيه(....) احلام: طب ماتيجى البيت نفطر سوا ونتكلم براحتنا كانت احلام متيقنه ان حمزه سيرفض ولكنه قال بسرعه: ماشى ،نص ساعه واكون عندك وصل حمزه لبيت احلام وفتحت له أحلام بعدما تأنقت وأرتدت فستاناً بسيط من اللون السكرى وعليه ورورد من اللون البنفسجى ،فستان بحملات عريضه وضيق من الخصر لينسدل بعد ذلك بأتساع الى الاسفل وينتهى فى منتصف الركبه بالظبط،اما شعرها فتركته منسدلاً على ظهرها ،فالظاهر كان مظهرها ولباسها عادياً ،لكن مع أحلام الأمر مختلف فالأمر أصبح ببساطه ساحر أحلام بصوت مبحوح: اتفضل ياحمزه دخل حمزه وتفاجئ بها تضع يديها على كتفيه من الخلف فالتفت لها متسائلاً : ايه احلام: هاخد الجاكت حمزه: مفيش داعى انا ماشى علطول ضمت شفتيها بطريقه مغريه وقالت : مش هتفطر معايه حمزه: مش هينفع يا أحلام سحبته احلام من يديه واجلسته على اريكه وجلست على وساده على الارض امامه ثانيه ركبتيها تحتها وقالت: ها ،قولى ايه الموضوع المهم الى خلاك تيجيلى من الصبح حمزه: عايزه اعرف ايه الكلام الى قلتيه لرنا يوم الحفله بتاعت سيف قطبت احلام حاجبيها وقالت: انهى كلام ،مش عارفه انت بتتكلم عن ايه أمسكها حمزه من ذراعيها بشده ونظر لها والشرر يتطاير من عينه وقال : بقولك ايه ماتستهبليش احلام: اه ،اه ... حمزه بتوجعنى فيه ايه بس حمزه: فيه كتير يا احلام ،فيه انك قلتى لرنا انها ماتنفعش تبقى مراتى او بمعنى ادق انها اقل من انها تبقى مراتى .... صح سكتت احلام قليلاً ولكنها قالت : ايوه قلت لها كده حمزه: وكمان بتعترفى احلام: عايزنى اكدب حمزه: لا طبعا،بس عايزه افهم ليه قلت لها كده احلام: عشان هى دى الحقيقه حمزه : اخرسى ،الحقيقه دى فى عينك انتى بس ،الحقيقه الى انتى مش عارفاها ان مفيش واحده تستاهل تبقى مرات حمزه الانصارى غير رنا وبس نظرت لها وركزت نظراتها فى عينه وقالت: اما هو كده ،بتخونها ليه ؟! حمزه: انا مابخونهاش ،انا ملمستكيسش أمسكت احلام بيده التى كانت ممسكه بذراعيها وأفلتتها ،قامت من على الارض وجلست بجانبه وأمسكت بذقته وادارتها ناحيتها وقالت : امال بتسمى الى مابنا ده ايه ،كلامك معايه على الشات وانت قاعد فى بيتك ومراتك نايمه على ودانها وبتكلم واحده غيرها ده ايه .... واكملت وهى تقترب منه حتى أصبح وجهها امام وجهه مباشرة : تنكر انك وانت بتتكلم معايه مش بتتخيل انا لبسه ايه ،اعده ازاى او بمعنى ادق نايمه ازاى ... تنكر انك مابتتمناش تكون معايه فى الوقت ده ... وأقتربت أكثر وهمست امام شفتيه وقالت: تنكر انك مابتتمناش ان الى بنكتبه كلام على الشات يتحول لعملى ... وحالاًاًاًاً #انت دائى ودوائى #امانى الياسمين ( الحلقه الثالثه والثلاثون ) أقتربت أحلام أكثر وهمست امام شفتيه وقالت : تنكر انك مابتتمناش ان الكلام الى بنا على الشات كتابه يتحول لعملى وحالاًاًاًاً آقرنت قولها بالفعل ووضعت شفتيها على شفتى حمزه وقبلته بعاطفه تستجدى منه الأستجابه ،امام عاطفتها المحمومه لم يملك حمزه الا ان ينجرف معها ويقبلها بالمقابل لحظات لا يعلم ،ثوانى ام دقائق او ساعات هو لا يعلم كم الوقت ولكن كل مايعلمه انه عندما شعر بيدى احلام تحاول فك أزرار قميصه ،لم يشعر بنفسه الا وهو يدفعها بشده عنه لدرجه أسقتطتها من فوق الأريكه ،تفاجئت احلام من ردت فعل حمزه ولكن قبل ان تقول اى شئ كان خرج مسرعاً من شقتها صافقاً الباب خلفه بشده قالت أحلام بصوت فيه كثير من الغيظ لنفسها : ماشى ياحمزه ،واللله مبقاش أحلام ان ماوريتك ،هى مره ... مره واحده بس وبعدها هخليك تزحف على ركبك عشان أرضى عليك وصل حمزه الى شركته وقابل دنيا فى طريقه الى مكتبه حياها قائلاً: صباح الخير يادنيا دنيا وهى تصيح بغضب: ايه الى آخرك كده ياحمزه احنا بقينا الضهر حمزه بضيق: مش ناقصك خالص يا دنيا ولا طالبه معايه التحقيق بتاعك دنيا وهو تكتف يديها حول صدرها : والله مش انا هفتحلك تحقيق دى مامتك الى من الصبح بتتصل بيك وتليفونك مقفول وآخر ما زهقت كلمتك على تليفون الشركه ده طبعاً بعد ما كلمت مراتك وقالت لها انك نزلت من بدرى حمزه: ايه ... كلمت البيت عندى دنيا: ايوه خلل حمزه أصابعه فى شعره وقال: أوف ع اليوم دنيا وهى تجلس مكانها: روح ياله كلمها وكلم مراتك واخترع لها اى كدبه من تأليفك مهو ده الى فالحين فيه الرجاله وضع حمزه يديه على المكتب وقال: انا مش مضطر انى اكدب عليها لانها ببساطه مش هتسألنى دنيا: هبله حمزه محذراً: دنيا ،لمى لسانك دنيا: ومين قالك انى بقول على رنا ،انا بقول على واحده صاحبتى كانت بتحب جوزها اوى بس طلع مايستاهلش زفر حمزه وتركها ودخل الى مكتبه واتصل بوالدته زينب: كنت فين ياحمزه حمزه: مفيش ،كنت ف مشوار ،فى حاجه زينب: اه فيه ،احتك هناء هتنزل هى وولادها اول الاسبوع حمزه : وجوزها زينب وهى تبكى : اختك اطلقت ياحمزه حمزه: ايه زينب ببكاء: المفترى ،رماها هى وعيالها حمزه: يعنى ايه ،هى ملهاش اهل والله لاربيه حتى لو اضطريت اروحله زينب: مراتك عامله ايه ياحمزه تفاجئ حمزه من تغيير الحوار وقال بحيره: مراتى ،بتسألى عن رنا ليه زينب: معرفش يابنى حلمت بيها حلم وحش مش عايزه اقولهولك عشان مايتفسرش بس قلقانه عليها حمزه: اطمنى هى بخير زينب: لما كلمتها الصبح صوتها ماعجبنيش شعر حمزه بوجع فى قلبه من كلماتها فقال بصوت حاول ان يجعله طبيعياً: مفيش تلاقيها لسه صاحيه من النوم زينب : طب ياضنايه كلمها لحسن صوتها قلق عليك لما قلت لها انك ماوصلتش مكتبك لحد دلوقتى حمزه: ماشى يا امى هكلمها أغلق حمزه هاتفه واتصل بزوجته التى ردت بصوت عرف منه انها كانت تبكى : الوو حمزه: ايوه يا رنا ،أزيك رنا: الحمد لله سكت حمزه قليلاً لينتظرها تسأله اين كان ولكنها لم تسأل لذلك قال هو :: امى كلمتك رنا: اه حمزه: سألتك عليه رنا: اه حمزه: كلمتنى ف المكتب ومالقتنيش وموبايلى مكنش فيه شبكه رنا: اه حمزه: انا كنت ف الموقع وعشان كده مكنش فيه شبكه رنا: حمزه انا مسألتش حمزه بغضب : ليه ،ليه مسألتيش ها ... ليه ماتحسسنيش انك زوجه مهتمه بجوزها وبتسأل عليه ... ها ليه رنا بحزن : هو انت ياحمزه مش قبل كده قولت لى متسألنيش انت رايح فين وجاى منين ،وان انت لما تعوز تقولى حاجه هتبلغنى حمزه بغضب: اه ،صح ... انتى عندك حق ،سلااام وقبل ان ترد أغلق حمزه الهاتف ............................ ........ وصلت السيده زينب الى منزل أبنها حمزه فوجدت رنا ومن وجهها الشاحب تأكد لها انها ليست على مايرام جلست زينب تلاعب حفيدته عندما دخلت رنا بالشاى ووضعته زينب: تسلم ايدك ياحبيبتى رنا : تسلمى ياطنط زينب : مالك يا رنا ،فيكى ايه رنا بأبتسامه واهنه: مالى ياطنط مانا زى الفل ربتت زينب على يديها وقالت: بصى يابنتى انا عارفه انك مضيقه وعارفه كمان انى آخر واحده ف الدنيا دى ممكن تحكيلها رنا: ليه بتقولى كده ياطنط زينب: اهو طنط دى اكتر حاجه مخليانى متأكده من الى بقوله ... رغم ان انتى متجوزه ابنى من سنه ونص بس لسه ماقلتليش يا ماما زى ما اى مرات ابن بتقول لحماتها رنا: طنط انا... انا زينب: انتى طيبه ودايماً الى جواكى زى الى براكى ،عمرك لا عرفتى تخبى ولا تجاملى ،حاستى انى مش هى ينفع ابقى ف مكان مامتك فمقلتيهاش رنا : طنط انا مواعتش على امى عشان اعرف حنيتها او الام بتبقى عامله ازاى ،انا وعيت على ماما ساميه ولفيت نفسى بقولها ياماما رغم انها عمرها ماحسستنى انى بنتها زينب: وانا حتى ماعرفتش اعاملك حتى زى ساميه ،عاملتك اوحش رنا بحزن: حقك ياطنط ،صدقيينى الكلام الى انت قلتيهولى على اد ما بيوجع على اد ماهو الحقيقه... الحقيقه ان حمزه كان يستاهل واحده احسن منى .. الحقيقه ان حمزه من حقه يكون ولد يشيل اسمه والحقيقه انى ست ناقصه زينب: اهو انا هنا انهارده عشان اقولك انك ست الستات وحمزه لو لف الدنيا كلها مش هيلاقى ضضفرك ،بنت ناس مأصله العيبه ماتخرجش منها رغم ان حماتها ياما سمعتها كلام زى الزفت يخلى الحجر ينطق ومع ذلك لا عمرها ردت ولا عمرها أشتكت لجوزها من امه الى بتعايرها ... سكتت قليلاً ثم قالت: ماتستغربيش يارنا انا ربنا حب ياخدلك حقك منى فورانى فى بنتى الى كنت بعمله فيكى .. رنا: ايه ازاى ،ماله هناء زينب: بنتى الى معاها البنت ومعاها الولد وتقدر تخلف تانى وتالت جوزها اتجوز عليها ولما راحت تشتكى لحماتها امه طردتها وقالت لها انه حقه يتجوز مره واتنين وتلاته ولما عليت صوتها عليها طردتها هى وابنها ورمى عليها يمين الطلاق ورماها هى وعيالها فى نص الليل ،لولا ناس مصريين صعبت عليهم خدوها عندهم واتفاوضوا مع جوزها عشان يديها هدومها واوراقها عشان تعرف ترجع تانى رنا: لا حول ولا قوة الا بالله ،مسكــ,,ـــــينه هناء زينب: عارفه يابنتى يمكن لو كنت شفت فى عينك نظرة شماته كانت هونت عليه عذابى رنا: ماتقوليش كده ياطنط ،انا عمرى ما اشمت في اى حد مابالك لو الحد ده حد من طرف حمزه ،وان كان على حضرتك انا مش زعلانه منك ... كل لما كنتى بتزعلينى كنت ببص فى وش حمزه واقول اتحمل اي حاجه من الست دى كفايه انها جبتلى حمزه .. وعشان حمزه أستحمل ام حمزه أبتسمت زينب وقالت: ربنا يديكى يابنتى على اد نيتك الطيبه ويبعد عنك شر ولاد الحرام طفرت الدموع لعيون رنا وقالت : اهى دى احسن دعوه يا امى وهنا بكت زينب أيضاً وأخذت رنا فى أحضانها وهى تقول : ياحبيبة قلب امك يارنا ......................... وصل حمزه الى منزله فوجد أصوات ضحك قادمه من الصاله ،أستغرب فى الاول الصوت ولكنه بعد ذلك ميز صوت والدته ،دخل حمزه عليهم وأستغرب هذا التناغم الذى بينهم فقال: سلاموا عليكم رفعت رنا رأسها من على أبنتها التى كانت تلاعبها على الأرض وقالت: وعليكم السلام زينب: حمد لله على السلامه ياحبيبى أقترب حمزه وقبل والدته على كفها وذهب باتجاه رنا وقبلها بهدوء على جبينها وقال: عامله ايه ياحبيبتى أستغربت رنا من طريقته بالرغم من انهم آخر مره على الهاتف كان غاضب منها بشده فقالت برقه: الحمد لله رفه حمزه أبنته من على الارض التى سرعان ما بدأت رحلتها الأستكشافيه على وجهه وحمزه يقهقه بشده نظرت رنا الى زوجها فهذه أول مره تراه يلاعب ابنته فأستغربت أكثر من طريقة تحيته لها عند دخوله ومنت نفسها ان التغير يكون نابع من أحساس بالذنب ونوع من انواع الأعتذار رفع حمزه رأسه فأمسك بنظرات رنا اليه فأبتسم لها أبتسامه يعلم تأثيرها عليها وقال: مش هناكل يا رنا قامت رنا وقالت: اه،حالا الاكل يكون جاهز حمزه: طب امسكى ياماما هنا عقبال لما أغير هدومى ،أضاف ممازحاً : وبالمره أطمن على خريطة وشى الى لخبطتها بنت الكلب دى ،ده انا جاسه ان مناخيرى بقيت مطرح عينى انتهى العشاء وجلس حمزه قليلاً مع والدته وتركتهم رنا لتضع الصغيره ف الفراش ،حكت زينب لولها ماحدث مع أخته ووعدها بالحل السريع ،بعدها بقليل أتى طارق وانضم الى جلستهم وبعدها أخذ والدته ورجعوا الى بيتهم دخل حمزه الى الغرفه فوجد رنا جالسه على سر,,ـــــيرها مرتديه قميص قصير من اللون الوردى رغم انه كان محتشم نوعاً ما ولكن أختلاف نوعيته عن القمصان الطويله التى دوماً ترتديها جعلها فاتنه وخصوصا انها لاول مره تستخدم ادوات التجميل كانت فاتنه وجميله ببرائتها التى فى رأيه لا تتمتع بها اى أمرآه أخرى سواها فى نظره أقترب منها حمزه بنظرات تملئها الرغبه وجلس بجانبها وقال : ايه الجمال ده خجلت رنا من نظراته واحمرت وجنتيها وقالت بتلعثم: حمزه.... انا كنت عايزه... اقولك انى وضع حمزه أصبعه على شفتيها وقال: هششششش، مفيش كلام انهارده مفيش كلام انهارده هنكون انا وانتى بس ومش هنفكر ولا هنتكلم عن حد تانى ... ينفع أومأت رنا بخجل وقالت بهمس: ينفع أقترب منها حمزه وقبلها قبله طويله وهى متعلقه برقبته ولكن صوت بكاء جعل رنا تهمس بصوت متلعثم: حمزه... حمزه حمزه بصوت أجش: سبيها هتنام تانى حاولت رنا ان تدفعه برفق : حمزه ماينفعش ،هنا أبتعد حمزه عنها بغضب وقال : أوف ربتت رنا على كتفه وقالت : آسفه حبيبى والله ،هشوفها واحاول انيمها أمسكها حمزه من يديها قبل ان تذهب وقال: انتى عارفه ان دى اول مره تقولى لى ياحبيبى خجلت رنا وعضت على شفتيها فأشفق حمزه على خجلها وقال : روحى شوفى بنت الكلب دى ذهبت رنا الى مخدع الصغيره وحملتها وحاولت تهدئتها ولكن هنا كانت تبكى بشده ،أقترب حمزه منها وقال : مالها بتعيط اوى كده ليه رنا: مش عارفه ، شكلها تعبانه عشان سنانها بتطلع حمزه : طب بتعملى ايه فى الحاله دى رنا: هديها مسكن ،امسكها بس ياحمزه عقبال ما اجيبه تشبثت الصغيره بوالدتها ودفــ,,ـــــنت رأسها فى كتفيها ورفضت ان تذهب لوالدها ،حملتها رنا وأعتطتها المسكن وظلت تلف بها فى الغرفه تهدهد فيها وتغنى لها حتى غفت الصغيره ولكن قبل ان تغفو كان حمزه غفى قبلها تعباً من الانتظار ............................ مرت الايام بعدها بدون احداث تذكر فقد ظلت الصغيره تعانى من الآم الاسنان لمدة ثلاث ايام ،حتى قرر حمزه ان يعود مره أخرى الى غرفته والا ينام بعدها معهم اما عن احلام فلم تنقطع اتصالاتها بحمزه وحمزه كان يرد عليها مره ويتجاهلها خمس مرات اليوم هو يوم زفاف احد رجال الاعمال المعروفين وكان حمزه معزوم وابلغته احلام ايضا انها من المدعويين وطلبت منه ان يصطحبها معه الى الحفله أنتظرت رنا ان يعرض عليها حمزه ان يصطحبها معها وكانت مقرره ان توافق هذه المره ولكن لدهشتها انه لم يعرض وعندما أفصحت عن أستحياء رغبتها فى الذهاب معها فأجابها ان الصغيره مريضه ولا يجوز تركها وحدها ،ورغم ان الصغيره تعافت لكن رنا رفضت ان تجادله واستسلمت وسكتت وصل حمزه الى منزل احلام وحاول الاتصال بها لكن هاتفها كان مغلق فأضطر بعد الكثير من المحاولات ان يصعد لها وصل حمزه الى طابق احلام ورن الجرس ففتحت له احلام كانت أحلام مرتديه روب قصيير من اللون الذهبى وشعرها مرفوع لأعلى ومثبت ببوس من الماس وتركت بعض الخصلات تتناثر حول وجهها وعيونها حددتهم بالكحل ليبرز جمالهم وجاذبيتهم ووضعت احمر شفاه قانى جعل شفتيها خلابه وقف حمزه مبهوراً بجمالها للحظات ثم أجلى حلقه وقال بصوت حاول ان يضفى عليه الثبات : احلام ،انتى لسه ماجهزتيش احلام: لا انا جاهزه ،انا بس هلبس الفستان وخلاص وكأنها تلعب بخياله لتخبره بأن تحت هذا الفستان جسدها عارى او على الأقل هناك القليل جداً من الملابس قال حمزه بصوت أجش : طب ياله أقتربت منه احلام فوصله عطرها الجذاب وقالت بصوتها ذات النبره المبحوحه المميزه : تعالى انت هتفضل على الباب وقبل ان يجيبها كانت قد سحبته من يده وأدخلته وأغلقت الباب خلفه وقالت : هلبس فوراً وما ان تحركت حتى أمسكها حمزه من يديها ليمنعها من الذهاب ، التفتت له احلام ووجدت فى عيونها نظره وكأنه متردد ونادم على هذه الخطوه ،فلم تمهله احلام فرصه وأقتربت منه ووضعت يديها على صدره وقالت: وحشتك للحظات لم يرد عليها حمزه فأكملت: انت وحشتنى وحشتنى اوى ياحمزه وأقتربت منه أكثر ووضعت رأسها على كتفه وسحبت يديه ووضعتهم على خصرها وقالت: لحد امتى ياحمزه حمزه بصوت اجش: لحد امتى ايه احلام: لحد امتى هنفل تعذبنى وتعذب نفسك كده ،لحد امتى هتفضل تمنع نفسك عنى ياحمزه أبعدت أحلام رأسها عن كتفه وقالت وهى تنظر فى عيونه : انت عاوزنى ياحمزه حمزه بارتباك: انا... انا احلام: انت خايف وانا عندى الحل الى يريحك من خوفك ده حمزه : ايه هو الحل احلام وهى تعبث بحزام روبها وتقترب منه : نتجوز ...... #انت دائى ودوائى #امانى الياسمين

مقالات ذات صلة

ما هي علامات سكرات الموت؟

خطوات تقديم اعتراض على ربط ضريبة الاستقطاع للمنشآت السعودية

رابط الاستعلام عن قبول الصف الاول الابتدائي

الاستثمار في الأسهم: كيفية تحقيق الأرباح من سوق الأسهم

اترك تعليقاً إلغاء الرد